IND vs SA : जडेजाचा ‘पंच’, आफ्रिकेचं लोटांगण! ‘इंडिया’ने असा साकारला अविस्मरणीय विजय
India vs South Africa world cup 2023 : रोहित शर्माच्या नेतृत्वाखालील टीम इंडियाने आयसीसी विश्वचषक 2023 मध्ये आपली विजयी मोहीम सुरू ठेवली आणि विराट कोहलीच्या 49व्या शतकाच्या जोरावर दक्षिण आफ्रिकेचा 243 धावांनी पराभव केला.
ADVERTISEMENT
India vs South Africa world cup 2023 : विराट कोहलीचं अविस्मरणीय शतक, रवींद्र जडेजा, मोहम्मद शमीने केलेल्या गोलंदाजीच्या बळावर भारताना दक्षिण आफ्रिकेचा अवघ्या 83 धावांत खुर्दा उडवला. त्यामुळे दक्षिण आफ्रिकेला विश्वचषकात भारताविरुद्ध 243 धावांनी वनडे क्रिकेटमधील सर्वात मोठा पराभव पत्करावा लागला. एकदिवसीय क्रिकेटच्या इतिहासात प्रथमच दक्षिण आफ्रिकेचा संघ 83 धावांच्या इतक्या कमी धावसंख्येवर सर्वबाद झाला. (India defeated South Africa by 243 runs in world cup 2023)
रोहित शर्माच्या नेतृत्वाखालील टीम इंडियाने आपली विजयी मोहीम सुरू ठेवली आणि दक्षिण आफ्रिकेला पराभूत करत आठव्या विजयांसह 16 गुणांसह अव्वल स्थान पटकावले. त्यामुळे उपांत्य फेरीच्या यादीत भारत पहिल्या स्थानावर राहणार आहे. पाकिस्तानने न्यूझीलंडवर विजय मिळवल्याने दक्षिण आफ्रिकेचा संघही उपांत्य फेरीत दाखल झाला आहे. आता भारताचा साखळी फेरीतील शेवटचा सामना नेदरलँडशी होणार आहे, तर दक्षिण आफ्रिकेचा शेवटचा सामना अफगाणिस्तानशी होणार आहे.
दक्षिण आफ्रिकेचा निम्मा संघ 40 धावांत परतला तंब्बूत
भारताने दिलेल्या 327 धावांच्या आव्हानाचा पाठलाग करताना दक्षिण आफ्रिकेचे फलंदाज भारताच्या गोलंदाजीचा सामना करण्यात सपशेल अपयशी ठरले. डावाच्या 14व्या षटकापर्यंत दक्षिण आफ्रिकेने 40 धावांत 5 विकेट गमावल्या होत्या. ज्यात शमी आणि जडेजाने प्रत्येकी दोन तर सिराजने एक विकेट घेतली.
हे ही वाचा >> Virat Kohli : किंग ‘कोहली’ सचिन तेंडुलकरच्या पंक्तीत, बॅट तळपली घडवला ‘विराट’ इतिहास!
क्विंटन डी कॉक (5 धावा), रॅसी व्हॅन डर ड्युसेन (13 धावा), टेंबा बावुमा (11 धावा), अॅडम मार्कराम (9 धावा) आणि हेनरिक क्लासेन (1 धाव) हे दक्षिण आफ्रिकेचे आघाडीचे फंलदाज स्वस्तात पॅव्हेलियनमध्ये परतले. त्यानंतर भारताने सहज सामना खिशात घातला.
हे वाचलं का?
