Abhishek Sharma: अलिशान घर, महागड्या गाड्या, कोट्यावधी रुपये अन्...! अभिषेक शर्माची संपत्ती वाचून थक्कच व्हाल
Abhishek Sharma Cricket Career And Net Worth : भारत विरुद्ध इंग्लंड यांच्यात रंगलेल्या पाचव्या टी-20 सामन्यात अभिषेक शर्माने धडाकेबाज फलंदाजी करत 37 धावांत शतक ठोकलं.
ADVERTISEMENT
बातम्या हायलाइट
अभिषेक शर्माने वानखेडे मैदानात पाडला चौकार-षटकारांचा पाऊस
अभिषेक शर्माची एकूण संपत्ती किती?
अभिषेक शर्माच्या क्रिकेट करिअरबाबत जाणून घ्या सविस्तर माहिती
Abhishek Sharma Cricket Career And Net Worth : भारत विरुद्ध इंग्लंड यांच्यात रंगलेल्या पाचव्या टी-20 सामन्यात अभिषेक शर्माने धडाकेबाज फलंदाजी करत 37 धावांत शतक ठोकलं. विशेष म्हणजे अभिषेक 17 चेंडूत सर्वात वेगवान अर्थशतक ठोकणारा भारताचा दुसरा फलंदाज ठरला आहे. अभिषेकने 13 षटकार आणि 7 चौकारांच्या मदतीनं वानखेडे मैदानात धावांचा पाऊस पाडला. अनेक विक्रमांना गवसणी घातल्याने अभिषेक शर्माची क्रिकेटविश्वात तुफान चर्चा रंगलीय.
24 वर्षांच्या अभिषेकला टीम इंडियाचा फ्यूचर स्टार असल्याचं म्हटलं जात आहे. अभिषेकने टी-20 आंतराष्ट्रीय सामन्यात सर्वात मोठी शतकी खेळी केल्याचा विक्रम नोंदवला आहे. त्याने 54 चेंडूत 135 धावा करून टीम इंडियाला 150 धावांनी विजय मिळवून देण्यात महत्त्वाचं योगदान दिलं आहे. त्यामुळे चाहत्यांना अभिषेक शर्माच्या करिअरबाबत जाणून घेण्याची उत्सुकता शिगेला पोहोचली आहे. पंजाबचा अभिषेक शर्मा किती संपत्तीचा मालक आहे? जाणून घेऊयात..
अभिषेक शर्माची वैयक्तिक माहिती
- पूर्ण नाव - अभिषेक शर्मा
- जन्मदिन - 4 सप्टेंबर 2000
- वय - 24 वर्ष आणि 152 दिवस
- कुठे जन्म झाला - अमृतसर (पंजाब)
- उंची - 5 फूट 7 इंच
- शिक्षण - दिल्ली पब्लिक स्कूल, अमृतसर
- माता-पिता - राजकुमार शर्मा, मंजू शर्मा
- बहीण/भाऊ - कोमल शर्मा
हे ही वाचा >> 'संतोष देशमुख प्रकरणात आरोपींना पाठीशी घालेल तो नालायक ठरेल', वड्डेटीवारांची जहरी टीका
अभिषेक शर्माने घरेलू क्रिकेटमध्ये पंजाबसाठी आणि आयपीएलमध्ये सनरायजर्स हैदराबादसाठी टॉप ऑर्डरमध्ये जागा बनवली. अभिषेक डावखुरा फिरकीपटूही आहे. त्याच्याकडे बॅकस्पिनिंग लेगकटर चेंडू फेकण्याचं विशेष कौशल्य आहे. सर्वात आधी 2015-16 मध्ये विजय मर्चेंट अंडर-16 टूर्नामेंटमध्ये अभिषेक शर्मा टॉप रन-स्कोरर होता. यादरम्यान अभिषेकने 7 सामन्यांमध्ये 1200 धावा केल्या आहेत.
तसच अंडर 19 आशिय चषकातही अभिषेकने चमकदार कामगिरी केलीय. अभिषेक 2018 च्या अंडर-19 वर्ल्डकप विजेत्या संघातही सामील होता. त्याने क्वार्टर फायनलमध्ये बांगलादेश विरुद्ध 50 धावा करून 2 विकेट घेण्याची अप्रतिम कामगिरीही केली होती.त्यानंतर दिल्ली डेयरडेविल्सने अभिषेकला 2018 च्या आयपीएल ऑक्शनमध्येही खरेदी केलं. पहिल्या आयपीएल सामन्यात अभिषेकने 19 चेंडूत 46 धावा केल्या होत्या. त्यानंतर वर्ष 2022 मध्ये त्याने सनरायजर्स हैदराबादसाठी चौथा सीजन खेळून 426 धावा केल्या.
हे वाचलं का?
