MCA Election 2022: ‘वानखेडे ते पवार’ असे आहेत क्रिकेटच्या पीचवर उतरलेले राजकीय नेते
मुंबई: मुंबई क्रिकेट असोसिएशनच्या निवडणुकीच्या निमीत्तानं राजकीय नेते पुन्हा क्रिकेटच्या मैदानावर उतरले आहेत. शरद पवार विरुद्ध देवेंद्र फडणवीस असा सामना यंदाच्या निवडणुकीत रंगताना पाहायला मिळू शकतो. परंतु राजकीय नेत्यांची MCA निवडणुकीत उतरण्याची ही पहिलीच वेळ नाही. 1930 साली स्थापन झालेल्या MCA मध्ये राजकारणाचा शिरकाव झाला तो 1963 मध्ये. शेषराव वानखेडेंपासून शरद पवारांपर्यंत अनेक दिग्गजांनी MCA […]
ADVERTISEMENT
मुंबई: मुंबई क्रिकेट असोसिएशनच्या निवडणुकीच्या निमीत्तानं राजकीय नेते पुन्हा क्रिकेटच्या मैदानावर उतरले आहेत. शरद पवार विरुद्ध देवेंद्र फडणवीस असा सामना यंदाच्या निवडणुकीत रंगताना पाहायला मिळू शकतो. परंतु राजकीय नेत्यांची MCA निवडणुकीत उतरण्याची ही पहिलीच वेळ नाही. 1930 साली स्थापन झालेल्या MCA मध्ये राजकारणाचा शिरकाव झाला तो 1963 मध्ये. शेषराव वानखेडेंपासून शरद पवारांपर्यंत अनेक दिग्गजांनी MCA निवडणुकीत आपलं नशिब आजमावलं आहे.
शेषरावांनी वानखेडे स्टेडियम बांधले आणि अध्यक्षही झाले
तत्कालीन मंत्री असलेल्या शेषराव वानखेडेंनी वानखेडे स्टेडियमची उभारणी केली. आणि त्यानंतर त्यांच्या खांद्यावर मुंबई क्रिकेट असोसिएशनची जबाबदारी देण्यात आली. 1963 पासून 1987 पर्यंत शेषराव वानखेडे अध्यक्ष पदावर होते. वानखेडे हे 1980 ते 1983 पर्यंत भारतीय क्रिकेट नियामक मंडळाचेही अध्यक्ष होते. शेषराव वानखेडे हे काँग्रेसचे मंत्री होते तसेच ते बॉम्बे विधानसभेचे पहिले अध्यक्षही राहिले आहेत.
मनोहर जोशी, शरद पवारही दिर्घकाळ होते पदावर
शिवसेनेचे ज्येष्ठ नेते तथा माजी मुख्यमंत्री मनोहर जोशी हे देखील दिर्घकाळ अध्यक्ष पदावर होते. 1992 ते 2001 या काळात मनोहर जोशी अध्यक्ष पदावर होते. माजी क्रिकेटपटू माधव मंत्री यांचा पराभव करत जोशी निवडून आले होते. मनोहर जोशी यांच्यानंतर राष्ट्रवादीचे अध्यक्ष शरद पवार अध्यक्ष पदावर आले. माजी क्रिकेटपटू अजित वाडेकर यांचा पराभव करत पवार अध्यक्ष पदाच्या गादीवर विराजमान झाले. 2001 ते 2011 च्या काळात त्यांनी मुंबई क्रिकेटवरती आपली सत्ता गाजवली.
विलासराव देशमुखांनाही MCA ची भुरळ
आयसीसीचे तत्कालीन अध्यक्ष शरद पवार यांच्या गटात असलेल्या विलासराव देशमुखांनी भारतीय क्रिकेट संघाचे माजी कर्णधार दिलीप वेंगसरकर यांचा पराभव करून एमसीएचे अध्यक्ष बनले होते. देशमुख यांना 181 तर वेंगसरकर यांना136 मतं मिळाली होती. शरद पवार यांच्या अध्यक्षतेखालील समितीमध्ये देशमुख आणि वेंगसरकर हे दोघेही उपाध्यक्ष होते.
हे वाचलं का?
