Neeraj Chopra: गोल्डन बॉय नीरज चोप्रानं केलं लग्न, पाहा कोण आहे नववधू
Neeraj Chopra Got Married: भारताचा स्टार भालाफेकपटू आणि ऑलिंपिक सुवर्णपदक विजेता नीरज चोप्राचं नुकतंच लग्न पार पडलं आहे. नीरजने रविवारी (19 जानेवारी) सोशल मीडियावर लग्नाचे काही फोटो शेअर केले आहेत.
ADVERTISEMENT
बातम्या हायलाइट
ऑलिंपिक सुवर्णपदक विजेता नीरज चोप्रा अडकला लग्न बंधनात
नीरज चोप्राने स्वत: शेअर केले लग्नाचे फोटो
नीरज चोप्राने चाहत्यांना दिला आश्चर्याचा धक्का
Neeraj Chopra Got Married: भारताचा स्टार भालाफेकपटू आणि ऑलिंपिक सुवर्णपदक विजेता नीरज चोप्रा आता विवाहित आहे. नीरजने रविवारी (19 जानेवारी) सोशल मीडियावर लग्नाचे काही फोटो शेअर करून चाहत्यांना आश्चर्याचा धक्का दिला आहे. नीरजच्या पत्नीचे नाव हिमानी आहे. (olympic medalist golden boy neeraj chopra got married shared photos with bride himani)
गोल्डन बॉय नीरज चोप्राने इंस्टाग्रामवर फोटो शेअर केला आणि कॅप्शनमध्ये लिहिले, 'माझ्या कुटुंबासोबत आयुष्याचा एक नवीन अध्याय सुरू झाला.'
हे ही वाचा>> Champions Trophy 2025: सॅमसनपासून 'सूर्या'पर्यंत..'या' 5 खेळाडूंचं चॅम्पियन्स ट्रॉफी खेळण्याचं स्वप्न अधुरचं, कारण काय?
त्यानी पुढे लिहिले, 'या क्षणी आपल्याला एकत्र आणणाऱ्या प्रत्येक आशीर्वादाबद्दल मी आभारी आहे.' शेवटी, नीरजने त्याचे आणि हिमानीचे नाव लिहिले आणि मध्यभागी एक हृदयाचा इमोजी देखील ठेवला.
नीरज चोप्राने खूप गुपचूप लग्न केले. असे मानले जाते की, यामध्ये फक्त जवळच्या लोकच सहभागी झाले जाते. आतापर्यंत त्याने वेगवेगळ्या आंतरराष्ट्रीय अॅथलेटिक्स स्पर्धांमध्ये 10 सुवर्ण आणि 6 रौप्य पदके जिंकली आहेत.
ऑलिंपिकमध्ये सुवर्ण आणि रौप्य पदक
नीरज चोप्राने आपल्या कामगिरीने देशाचे नाव सातत्याने उंचावले आहे. त्याने टोकियो ऑलिंपिक 2020 मध्ये सुवर्णपदक जिंकून इतिहास रचला आहे. याशिवाय, त्याने 2024 च्या पॅरिस ऑलिंपिकमध्ये रौप्य पदक जिंकले. याच्या एक वर्ष आधी, म्हणजेच 2023 च्या जागतिक अॅथलेटिक्स चॅम्पियनशिपमध्ये, नीरजने सुवर्णपदक जिंकले होते.
हे ही वाचा>> Yograj Singh: "युवराजचा कॅन्सरने मृत्यू झाला असता तरी मला अभिमान...", योगराज सिंग यांचं बेधडक विधान!
नीरजला पद्मश्री पुरस्कारही
नीरज चोप्राने राष्ट्रकुल स्पर्धेतही आपले कौशल्य सिद्ध केले आहे. 2018 च्या राष्ट्रकुल स्पर्धेत त्याने सुवर्णपदक जिंकले होते. त्याचा वैयक्तिक सर्वोत्तम भालाफेक हा 89.94 मीटर आहे. नीरजने 2022 च्या जागतिक अॅथलेटिक्स चॅम्पियनशिपमध्ये रौप्य पदक जिंकले.
नीरज चोप्रा यांनाही देशात खूप आदर मिळाला आहे. त्यांना पद्मश्री, विशिष्ट सेवा पदक आणि परम विशिष्ट सेवा पदक देखील मिळाले आहे. विशिष्ट सेवा पदक (VSM) हा भारत सरकारकडून सशस्त्र दलातील सर्व पदांच्या कर्मचाऱ्यांना 'विशेष आदेशांवर दिलेल्या अपवादात्मक सेवेसाठी' दिला जाणारा सन्मान आहे.
हे वाचलं का?
