CWG 2022: भारतीय खेळाडूंची ‘सुवर्ण’ कामगिरी; राष्ट्रकुलमध्ये पदकतालीकेत पाचव्या क्रमांकावर
इंग्लंडच्या बर्मिंगहॅम येथे सुरु असलेल्या राष्ट्रकुल क्रीडा (Commonwealth Games 2022) स्पर्धेत भारतीय खेळाडूंनी चांगली कामगिरी केली आहे. स्पर्धा सुरु झाल्यापासून नवव्या दिवशी म्हणजे 6 ऑगस्ट रोजी भारताने एकूण 14 पदकं जिंकली, ज्यात चार सुवर्ण, तीन रौप्य आणि सात कांस्यपदकांचा समावेश आहे. इतकंच नाही तर क्रिकेट, टेबल टेनिस, बॉक्सिंग, हॉकी यांसारख्या स्पर्धांमध्ये भारतीय खेळाडूंनी अंतिम फेरी […]
ADVERTISEMENT
इंग्लंडच्या बर्मिंगहॅम येथे सुरु असलेल्या राष्ट्रकुल क्रीडा (Commonwealth Games 2022) स्पर्धेत भारतीय खेळाडूंनी चांगली कामगिरी केली आहे. स्पर्धा सुरु झाल्यापासून नवव्या दिवशी म्हणजे 6 ऑगस्ट रोजी भारताने एकूण 14 पदकं जिंकली, ज्यात चार सुवर्ण, तीन रौप्य आणि सात कांस्यपदकांचा समावेश आहे. इतकंच नाही तर क्रिकेट, टेबल टेनिस, बॉक्सिंग, हॉकी यांसारख्या स्पर्धांमध्ये भारतीय खेळाडूंनी अंतिम फेरी गाठून पदकांची निश्‍चिती केली आहे.
कुस्तीमध्ये मिळवली सहा पदकं
शनिवारी भारतीय कुस्तीपटूंनी चमकदार कामगिरी करत तीन सुवर्ण आणि तब्बल कांस्यपदकं पटकावली आहेत. कुस्तीपटू रवी कुमार दहियाने पुरुषांच्या 57 किलो वजनी गटात भारतासाठी सुवर्णपदक जिंकले. रवी दहियाने अंतिम सामन्यात तांत्रिक श्रेष्ठतेच्या जोरावर नायजेरियाच्या ई. विल्सनचा 10-0 असा पराभव केला.
कुस्तीपटू विनेश फोगटबद्दल सांगायचे तर, त्याने नॉर्डिक प्रणाली अंतर्गत आयोजित 53 किलो वजनी गटात सुवर्णपदक जिंकले. दुसरीकडे, नवीनने 74 किलो वजनी गटाच्या अंतिम फेरीत पाकिस्तानच्या मुहम्मद शरीफ ताहिरचा 9-0 असा पराभव करून सुवर्णपदक जिंकले. याशिवाय पूजा गेहलोत, दीपक नेहरा आणि पूजा सिहाग यांनीही कुस्तीमध्ये भारतासाठी कांस्यपदक मिळवले.
पॅरा टेबल टेनिसमध्ये भावीनाला सुवर्ण
पॅरा टेबल टेनिसमध्येही भारताचा दबदबा दिसून आला. भाविना पटेलने महिला एकेरीत सुवर्ण तर सोनलबेन मनुभाई पटेलने कांस्यपदक जिंकले. टोकियो पॅरालिम्पिक रौप्यपदक विजेत्या भाविनाने अंतिम फेरीत नायजेरियाच्या ख्रिस्तियाना इक्पेओईचा 12-10, 11-2, 11-9 असा पराभव केला. दुसरीकडे, 34 वर्षीय सोनलबेनने कांस्यपदकाच्या प्ले-ऑफमध्ये इंग्लंडच्या स्यू बेलीचा 11-5, 11-2, 11-3 असा पराभव केला.
हे वाचलं का?
