Personal Finance: फक्त 20% प्रयत्न आणि 80% नफा? बिझनेससाठी 'हा' फॉर्म्युला जादूई मंत्र

या नियमानुसार, तुमच्या व्यवसायातील 80% निकाल तुमच्या फक्त 20% प्रयत्नांमधून येतात. याचा अर्थ असा की, तुमच्या वेळेचा आणि संसाधनांचा एक छोटासा भाग सर्वात जास्त फायदे देतो. उदाहरणार्थ, जर तुमच्या कंपनीकडे अनेक उत्पादने असतील, तर तुमच्या एकूण विक्रीपैकी फक्त काही निवडक उत्पादनंच तुम्हाला बहुतेक उत्पन्न  मिळवून देतात. जर तुम्ही हे 20% ओळखले तर तुम्ही कमी प्रयत्नात जास्त नफा मिळवू शकता.

सर्वात फायदेशीर उत्पादनांवर करा लक्ष केंद्रित 

या नियमाचा फायदा घेण्यासाठी, प्रथम तुमच्या व्यवसायासाठी कोणत्या गोष्टी किंवा उत्पादने सर्वात जास्त नफा मिळवत आहेत हे ओळखणे महत्वाचे आहे. नंतर, तुमचा वेळ, पैसा आणि प्रयत्न त्यांच्यावर केंद्रित करा. हे तुम्हाला कमी संसाधनांमध्ये जास्त परिणाम मिळविण्यास मदत करू शकते.

वेळ आणि ऊर्जा वाचवण्याचा एक मार्ग

80-20 नियम केवळ उत्पादने किंवा सेवांपुरता मर्यादित नाही. ते मार्केटिंग, ग्राहक सेवा, विक्री आणि अगदी टीम मॅनेजमेंटवर देखील लागू केला जाऊ शकतो. उद्योजकांसाठी, हा नियम वेळ आणि ऊर्जा वाचवण्याचा एक मार्ग आहे.

तुमचा व्यवसाय वाढवण्याचा एक मार्ग

तज्ज्ञांचे म्हणणे आहे की, हा नियम लहान व्यवसाय आणि स्टार्टअप्ससाठी आणखी महत्त्वाचा आहे. कमी वेळेत जास्त नफा मिळवण्यासाठी आणि तुमचा व्यवसाय वाढवण्यासाठी ही पद्धत सोपी, अचूक आणि प्रभावी ठरू शकते. जर तुम्हाला तुमचा व्यवसाय लवकर वाढवायचा असेल, तर 80-20 नियम स्वीकारा आणि योग्य दिशेने लक्ष केंद्रित करा.