पेशाने शिक्षिका असलेल्या पत्नीची केली निर्घृण हत्या! नंतर, फेसबुक लाइव्हवर केला दावा अन् पोलिसांसमोर...

खाजगी शाळेत शिक्षिका होती..

प्रकरणातील मृत महिलेची ओळख 39 वर्षीय शालिनी अशी झाली असून ती वलाकोड येथे एका खाजगी शाळेत शिक्षिका म्हणून कार्यरत होती. संबंधित घटना सोमवारी सकाळी जवळपास 6 वाजताच्या सुमारास घडल्याची माहिती आहे. प्रकरणातील आरोपीचं नाव ऐसेक असून त्याने आपल्या पत्नीवर हल्ला केला आणि या हल्ल्यात पीडितेचा मृत्यू झाला. हत्येनंतर, ऐसेकने आपल्या फेसबुक अकाउंटवर अडीच मिनिटांचा लाइव्ह व्हिडीओ स्ट्रीम केला आणि त्यात आरोपीने शालिनीची हत्या केल्याचं कबूल केलं. 

हे ही वाचा: "पतीला पाळीव उंदीर म्हणणं मानसिक क्रूरता..." घटस्फोटाच्या 'त्या' प्रकरणात हायकोर्टाचा धक्कादायक निर्णय...

व्हिडीओमध्ये आरोपी पतीचा दावा

ऐसेकने व्हिडीओमध्ये शालिनीचे काही अज्ञात पुरुषांसोबत अनैतिक संबंध असल्याचा आरोप केला. तसेच, ती आपल्या मुलांकडे सुद्धा दुर्लक्ष करत असल्याचं पतीने सांगितलं. इतकेच नव्हे तर, शालिनी पतीला त्यांचं स्वत:चं बनवलेलं घर सोडण्यासाठी प्रवृत्त करत असल्याचा देखील पतीने गंभीर आरोप केला. 

सूत्रांच्या माहितीनुसार, पती आणि पत्नीमधील कौटुंबिक वादामुळे दोघेही बराच काळ एकमेकांपासून वेगळे राहत होते. हत्येनंतर, लाइव्ह व्हिडीओ बनवून ऐसेक घटनास्थळावरून फरार झाला. मात्र, सकाळी जवळपास 9 वाजताच्या सुमारास पुनालुर पोलीस स्टेशनमध्ये त्याने स्वत:ला पोलिसांच्या ताब्यात दिलं म्हणजेच सरेंडर केलं.

हे ही वाचा: 3 वर्ष उलटूनही शिवसेना पक्ष आणि चिन्हाचा निकाल कशामुळे प्रलंबित? आदित्य ठाकरेंच्या प्रश्नावर धनंजय चंद्रचूड यांचं प्रत्युत्तर

हत्येचा गुन्हा दाखल 

पोलिसांनी पीडित शालिनीचा मृतदेह पुनालुर रुग्णालयात पोस्टमॉर्टमसाठी पाठवला असून या प्रकरणासंदर्भात आरोपी पतीविरुद्ध हत्येचा गुन्हा दाकळ करण्यात आला आहे. प्रकरणाचा पुढील तपास सुरू असल्याचं पोलिसांनी सांगितलं.