Personal Finance: Lock FD म्हणजे काय, नेमका कसा मिळतो प्रचंड फायदा?

पण डिजिटल बँकिंगच्या युगात, ऑनलाइन फसवणुकीची भीती देखील कायम आहे. परंतु अॅक्सिस बँकेने (Axis Bank) एक नवीन एफडी फीचर आणले आहे. त्याचे नाव लॉक एफडी (Lock FD) आहे. हे फीचर तुमच्या एफडीला ऑनलाइन गरज नसताना उगाचच जे पैसे काढले जातात त्यापासून बचाव करतं. 

म्हणजेच, सुरक्षेचा एक अतिरिक्त स्तर तयार केला जातो. जर तुम्हाला प्रश्न पडत असेल की ते काय आहे आणि त्याचा तुम्हाला कसा फायदा होईल, चला तर याचविषयी आपण Personal Finance या आपल्या विशेष सदरातून जाणून घेऊया. 

Lock FD फीचर म्हणजे काय?

जर तुम्ही लॉक एफडी फीचर चालू केले, तर तुमची एफडी इंटरनेट किंवा मोबाइल बँकिंगद्वारे कोणत्याही प्रकारे उघडता येणार नाही. तुम्हाला फक्त बँकेच्या शाखेत जाऊन तुमची ओळख पडताळणी करावी लागेल आणि त्यानंतरच ही एफडी तुम्ही बंद करू शकता. ही सुरक्षा विशेषतः ऑनलाइन बँकिंगमध्ये नवीन असलेल्या किंवा डिजिटल फसवणुकीची भीती असलेल्यांसाठी महत्त्वाची आहे.

Lock FD फीचर कसे चालू करावे?

• Lock FD फीचर चालू करण्याचा मार्ग खूप सोपा आहे. यासाठी तुम्हाला काही स्टेप्स फॉलो कराव्या लागतील.
• सर्वप्रथम `Axis बँक` (ज्याला 'OPEN' असे नाव देण्यात आले आहे) चे मोबाइल App डाउनलोड करा.
• त्यानंतर तुमच्या mPIN ने लॉगिन करा, तेथील FD/RD विभागात जा आणि “Lock FD” बॅनरवर टॅप करा.
• जर तुमच्याकडे एकापेक्षा जास्त एफडी असतील, तर तुम्हाला लॉक करायचा असलेली FD निवडा आणि तुमच्या mPIN ने ती कन्फर्म करा.

तुमची FD डिजिटल अॅक्सेसपासून संरक्षित आहे. जर तुम्हाला App वापरायचा नसेल, तर तुम्ही जवळच्या Axis बँकेच्या शाखेला भेट देऊन ते Active देखील करू शकता. नवीन FD उघडतानाही ही सुविधा सुरू करता येते.

या फीचरचे काय फायदे आहेत?

पहिले म्हणजे, एखाद्याला तुमचा मोबाइल किंवा इंटरनेट बँकिंग लॉगिन डेटा मिळाला तरी तो तुमची FD ऑनलाइन काढू शकणार नाही, म्हणजेच तुमचे पैसे सुरक्षित राहतील. दुसरे म्हणजे, ते तुम्हाला तुमची गुंतवणूक योजना राखण्यास मदत करते, कारण तुम्ही नकळत किंवा घाईघाईने एफडी काढू शकणार नाही. तिसरे म्हणजे, वृद्धांसाठी आणि डिजिटल फसवणुकीची भीती असलेल्यांसाठी ही एक मोठी दिलासा आहे की त्यांची बचत सुरक्षित हातात आहे.