आपल्या भाषणाची सुरुवात करताना निर्मला सीतारामन म्हणाल्या की, 'आमचं लक्ष गरीब आणि शेतकऱ्यांच्या समृद्धीवर राहिलं आहे. त्याचबरोबर रोजगार निर्मितीच्या दिशेने काम करण्याबाबतचे निर्णय आम्ही घेत आहोत. यामुळे आर्थिक विकासाला पाठबळ मिळत आहे. याचा परिणाम भारताच्या जीडीपीवरही दिसून आला आणि तो 7 टक्क्यांच्या वर राहिला. आम्ही निर्यात वाढवण्याचे काम केले आहे आणि जागतिक बाजारपेठेत आपली पोहोच वाढवली आहे.'

सीतारामन यांच्या अर्थसंकल्पीय भाषणातील 10 महत्त्वपूर्ण मुद्दे :

-  हा युवा शक्ती अर्थसंकल्प आहे. यामध्ये  शेतकरी, गरीब आणि सामान्य माणसाची काळजी घेण्यात आली आहे.

-  महसूली तूट कमी करण्यावर सरकारचा भर राहिला आहे.

-  उत्पादकता, जागतिक अनिश्चिततेचा मुकाबला, सबका विकास आणि सबका साथ यावर काम करायचे आहे.

-  पायाभूत सुविधा वाढवणे आणि मजबूत गुंतवणूक उभी करण्यावर लक्ष आहे. रोजगार निर्मिती आणि व्यापार सुधारणेवर भर आहे.

-  सार्वजनिक गुंतवणूकीवर सरकारचा भर आहे. आर्थिक विकास 3 कर्तव्यांवर केंद्रित आहे.

-  EMS PLI वाढवून 40 हजार कोटी रुपये करण्याचा प्रस्ताव.

-  तामिळनाडू, केरळ आणि आंध्रप्रदेशमध्ये 'दुर्मिळ खनिजां'साठी (रेअर अर्थ मिनरल) कॉरिडॉर बनवणार.

-  एमएसएमई वृद्धी निधीसाठी 10 हजार कोटी रुपयांचा तरतूद करण्यात आली आहे.

-  सीतारामन म्हणाल्या, आम्ही ISM 2.0 ची सुरुवात करत आहोत. यामुळे सेमीकंडक्टरला चालना मिळेल.

-  इलेक्ट्रॉनिक्स उत्पादनासाठी 40 हजार कोटी रुपयांची तरतूद करण्यात आली आहे.