मुंबईची खबर: रेल्वे प्रवाशांसाठी आनंदाची बातमी! मध्य रेल्वेवर धावणाऱ्या 15 डब्यांच्या ट्रेनची संख्या वाढणार...

34 स्थानकांच्या विस्तारीकरणाचं काम...

अधिकाऱ्यांच्या म्हणण्यानुसार, सध्या एमएमआरमध्ये 34 रेल्वे स्थानकांच्या एक्सटेंशनचं काम केलं जात आहे. यामधील, 27 स्टेशनचं काम डिसेंबरच्या अखेरीस पूर्ण होणार असल्याचं सांगण्यात येत आहे. यामुळे, 15 डब्यांच्या अधिक लोकल ट्रेन चालवणं शक्य होणार आहे. तसेच, एका लोकलमध्ये अधिक प्रवासी प्रवास करू शकणार आहेत. कल्याण, खोपोली आणि कसारा ही अतिरिक्त स्थानकांचा या यादीत समावेश केला जाणार आहे. यामुळे, या भागात राहणाऱ्या प्रवाशांसाठी प्रवास अधिक आरामदायी होणार असल्याची माहिती आहे. 

मध्य रेल्वेच्या मुंबई विभागातील 34 रेल्वे स्थानकांवर प्लॅटफॉर्म विस्ताराचे काम सुरू आहे. यापैकी 27 स्थानकांच्या एक्स्टेंशनचं काम डिसेंबरपर्यंत पूर्ण करण्यासाठी प्रयत्न सुरू आहेत. त्यानंतर 15 डब्यांच्या लोकल ट्रेनची संख्या वाढवली जाईल.

हे ही वाचा: Govt Job: 'बँक ऑफ बडोदा'मध्ये तब्बल 2700 पदांसाठी भरती! तरुणांनी अजिबात संधी सोडू नका...

'या' स्थानकांचा समावेश 

या यादीत या यादीत विठ्ठलवाडी, उल्हासनगर, कर्जत, खोपोली, अंबरनाथ, आंबिवली, वाशिंद, आसनगाव, आटगाव, शैलू, बदलापूर, भिवपुरी, पळसधरी, मुंब्रा, कोपर, कळवा, शहाड, ठाकुर्ली, कसारा, टिटवाळा आणि इतर काही स्थानकांचा समावेश आहे. तसेच, ज्या 7 स्थानकांच्या विस्तारीकरणाच्या कामाला अधिक वेळ लागणार आहे, त्यात सीएसएमटी, ठाणे, कल्याण, डोंबिवली, वांगणी खडवली आणि दावणगेरे स्थानके समाविष्ट आहेत.

नवीन वर्षात नवं वेळापत्रक 

दरवर्षी, नोव्हेंबर महिन्यात रेल्वेचं वेळापत्रक अपडेट केलं जातं. मात्र, यावर्षी स्टेशन एक्सटेंशनचं काम सुरू असल्यामुळे हे अपडेट होऊ शकलं नाही. अधिकाऱ्यांच्या माहितीनुसार, स्थानकांच्या विस्तारीकरणाचं काम पूर्ण झाल्यानंतर नवीन सालात नवं वेळापत्रक जाहीर केलं जाईल. 

हे ही वाचा: Delhi Blast: डॉ. मुझम्मिलसोबत प्रेमसंबंध! पतीपासून घेतला घटस्फोट, डॉ. शाहीन शाहीदचं महाराष्ट्रातील कनेक्शन आलं समोर...

लवकरच, एका नव्या एसी लोकल ट्रेनचा सुद्धा मध्य रेल्वेत समावेश होणार आहे. ही नवी लोकल येत असल्याने एसी सर्व्हिसमध्ये सुद्धा वाढ होणार असल्याचं सांगितलं जात आहे. वर्तमानात मध्य रेल्वेजवळ 6 एसी (वातानुकूलित) लोकल ट्रेन असून याच्या 80 फेऱ्या निश्चित आहेत. आता ही नवीन एसी लोकल हार्बर लाईनवर चालवली जाईल की मेन लाईनवर, याबद्दल कोणतीही माहिती अद्याप समोर आलेली नाही.