मुंबईची खबर: गुरूवारपासून सलग 4 सुट्ट्या... मध्य रेल्वेकडून मुंबईकरांसाठी मोठं गिफ्ट

लॉन्ग विकेंड मिळाल्यामुळे ऑफिसचे बरेच कर्मचारी बाहेर फिरायला जाण्याचा प्लॅन बनवत आहेत. अशातच, मध्य रेल्वेने काही विशेष गाड्यांचं नियोजन केलं असून प्रवाशांच्या मागणीनुसार, 'या' विशेष गाड्या धावणार आहेत. 

1. छत्रपती शिवाजी महाराज टर्मिनस (CSMT) ते नागपूर (सहा फेऱ्या)
2. लोकमान्य टिळक टर्मिनस (LTT) ते मडगाव (चार फेऱ्या)
3. सीएसएमटी (CSMT) ते कोल्हापूर (दोन फेऱ्या)
4. पुणे ते नागपूर (सहा फेऱ्या)

गाडी क्र. 01123/4 सीएसएमटी (CSMT)- नागपूर- सीएसएमटी (CSMT)

22 डबे असलेली ही गाडी 9 ऑगस्ट रोजी सीएसएमटीहून मध्यरात्रीनंतर 12:30 वाजता सुटेल आणि त्याच दिवशी दुपारी 3:30 वाजता नागपुरात पोहचेल. 10 ऑगस्टला पुन्हा तिथून दुपारी 2:30 वाजता सुटेल आणि दुसऱ्या दिवशी पहाटे 5:25 सीएसएमटीला पोहचेल. 

गाडी क्र. 02139/40 सीएसएमटी (CSMT)- नागपूर- सीएसएमटी (CSMT)

22 डबे असलेली ही गाडी 15 आणि 17 ऑगस्टला सीएसएमटीहून मध्यरात्रीनंतर 12:30 वाजता सुटेल आणि त्याच दिवशी दुपारी 3:30 वाजता नागपुरात पोहचेल. पुन्हा परतीचा प्रवास रात्री 8:00 वाजता सुरु होईल आणि दुसऱ्या दिवशी दुपारी 1:30 वाजता सीएसएमटीत संपेल. 

गाडी क्र. 01417/8 सीएसएमटी (CSMT)- कोल्हापूर- सीएसएमटी (CSMT)

17 डबे असलेली ही गाडी 8 ऑगस्टला सीएसएमटीहून रात्री 10:30 वाजता सुटेल आणि कोल्हापुरात दुसऱ्या दिवशी सकाळी 10:15 पोहोचेल. परतीचा प्रवास 10 ऑगस्टला दुपारी 4:40 वाजता सुरू होईल आणि दुसऱ्या दिवशी पहाटे 4:45 वाजता संपेल. 

हे ही वाचा: अभिनेत्री हुमा कुरेशीच्या भावाच्या हत्येमागे नेमकं कोण? समोर आलं 'त्या' मुलीचं नाव, जिच्यामुळे वाद...

गाडी क्र. 01125/6 एलटीटी (LTT)- मडगाव- एलटीटी (LTT)

22 डबे असलेली ही गाडी 14 ऑगस्ट रोजी एलटीटीहून रात्री 10:15 वाजता रवाना होईल आणि मडगाव येथे दुसऱ्या दिवशी दुपारी 12:45 वाजता पोहोचेल. त्यानंतर पुन्हा दुसऱ्या दिवशी म्हणजेच 15 ऑगस्ट रोजी दुपारी 1:40 वाजता सुटेल आणि दुसऱ्या दिवशी पहाटे 4:05 वाजता एलटीटीला पोहोचेल. 

हे ही वाचा: प्रेयसीसोबत मजा मारत होता 'तो' नेता, अचानक पत्नी आली अन् बिल्डिंगच्या पाइपवरुन... प्रेयसीला घेतलं ताब्यात

गाडी क्र. 01127/8 एलटीटी (LTT)- मडगाव- एलटीटी (LTT)

22 डबे असलेली ही गाडी 16 ऑगस्टला एलटीटीहून रात्री 10:15 वाजता सुटेल आणि मडगावला दुसऱ्या दिवशी दुपारी 12:45 वाजता पोहोचेल. परतीचा प्रवास 17 ऑगस्टला दुपारी 1:40 वाजता सुरु होईल आणि दुसऱ्या दिवशी पहाटे 4:05 वाजता पूर्ण होईल. 

प्रवाशांनी तपशीलवार वेळापत्रक आणि थांब्यांच्या वेळेसाठी www.enquiry.indianrail.gov.in या संकेतस्थळाला भेट द्यावी किंवा NTES अॅप तपासावे.