भामट्यांनी 18 खात्यांमधून तब्बल 58 कोटी रुपये लुबाडले अन्... मुंबईतील व्यावसायिकाची मोठी फसवणूक

सायबर क्राइम पोलिसांनी या प्रकरणातील तीन आरोपींना अटक केली असून अब्दुल नासिक खुल्ली, अर्जुन कडवासरा आणि जेठाराम कडवासरा अशी त्यांची ओळख समोर आली आहे. फसवणूक करताना आरोपींनी पीडित व्यावसायिकाला पैसे न दिल्यास त्याच्यावर कायदेशीर कारवाईची आणि त्याला अटकही करण्याची  धमकी दिली. 

वृद्धाच्या 18 खात्यांमधून पैसे काढले

आरोपींनी दिलेल्या धमक्यांमुळे पीडित व्यावसायिक घाबरला आणि तो पैसे देण्यासाठी तयार झाला. पोलिसांच्या माहितीनुसार, आरोपींनी वृद्धाच्या 18 खात्यांमधून पैसे काढले आणि व्यावसायिकाने 9 ऑगस्ट ते 8 ऑक्टोबर दरम्यान आरोपींना आरटीजीएसद्वारे एकूण 58.13 कोटी रुपये दिले. संबंधित प्रकरणाचा तपास सुरू असून सध्या पोलीस व्यावसायिकाच्या खात्यातून काढलेल्या रकमेची माहिती मिळवण्याच्या प्रयत्नात आहेत. 

हे ही वाचा: भाजप आमदार शिवाजीराव कर्डिले यांचं निधन, वयाच्या 67 व्या वर्षी घेतला अखेरचा श्वास

आजच्या काळात फसवणूक करणाऱ्या भामट्यांसाठी डिजिटल हे पसंतीचं माध्यम बनत आहे. या प्रकरणात, आरोपी बनावट अरेस्ट वॉरंट, खोटी कागदपत्रे आणि कधीकधी बनावट पोलीस स्टेशनच्या साहाय्याने अनोळखी व्यक्तींना कॉल करून किंवा मेसेज करून फसवणूक करतात.

हे ही वाचा: बबन शिंदे,राजन पाटलांसह आणखी 2 माजी आमदार भाजपमध्ये जाणार असल्याची चर्चा, सोलापुरात मोठ्या घडामोडी

संस्थांचे अधिकारी असल्याचं भासवतात अन्...

अशा प्रकरणातील आरोपी संस्थांचे अधिकारी असल्याचं भासवतात आणि नंतर आपली चौकशी केली जात असून आता अटक केली जाणार असल्याचं पीडितांना वाटतं. बऱ्याचदा, असे आरोपी व्हिडिओ कॉलद्वारे पीडितांना त्यांच्या खोट्या गोष्टींवर विश्वास ठेवण्यास भाग पाडतात. जर त्यांनी काही रक्कम दिली तर त्यांना अटक होण्यासाठी वाचवलं जाणार असल्याचं पीडितांना सांगितलं जातं. अशा प्रकरणांमध्ये, लोक घाबरून लाखो ते कोटी रुपये आरोपींना देतात.