पुण्यात भाजप कार्यकर्त्याची गोळ्या झाडून हत्या, 16 राऊंड फायर केल्याने देहुरोड परिसरात दहशतीचं वातावरण

 जुन्या वादातून टोळीयुद्धाचा भडका; भावाच्या हत्येशी कनेक्शनचा संशय

रमेश रेड्डी यांच्या हत्येचा संबंध त्यांच्या कुटुंबातील जुन्या वादांशी आणि गुन्हेगारी पार्श्वभूमीशी जोडला जात आहे. विशेष म्हणजे, गेल्या वर्षी रमेश यांचे भाऊ विक्रम गुरुस्वामी रेड्डी यांची एका वाढदिवसाच्या पार्टीमध्ये गोळी घालून हत्या करण्यात आली होती. विक्रम रेड्डी यांच्या हत्येतील आरोपी सध्या तुरुंगात आहेत आणि त्यांना अद्याप जामीन मिळालेला नाही. या जुन्या प्रकरणातील वादातून किंवा त्या केसमध्ये तडजोड (कॉम्प्रोमाइज) करण्यावरून काही वाद सुरू होता का, या कोनातून पिंपरी चिंचवड पोलीस आता कसून तपास करत आहेत. रमेश रेड्डी हे भाजपशी जोडलेले असले तरी त्यांचे नाव मटका व्यवसायाशीही जोडले जात होते, मात्र सध्या हा व्यवसाय बंद असल्याचे सांगितले जात आहे. भावाच्या हत्येचा बदला किंवा वर्चस्वाच्या लढाईतून ही घटना घडली असावी, असा संशय पोलिसांनी व्यक्त केला आहे.

हेही वाचा : भाजपचं पुन्हा धक्कातंत्र.. विधान परिषद निवडणुकीसाठी 5 उमेदवार जाहीर, 'यांना' दिली संधी

गोळीबाराने देहूरोड हादरले; परिसरात पोलिसांचा मोठा फौजफाटा

घटनेची माहिती मिळताच देहूरोड परिसरात मोठी खळबळ उडाली आणि स्थानिक नागरिकांसह रेड्डी समर्थकांनी घटनास्थळी मोठी गर्दी केली. परिस्थितीचे गांभीर्य लक्षात घेऊन पिंपरी चिंचवड पोलिसांनी संपूर्ण परिसरात जड पोलीस बंदोबस्त तैनात केला असून शांतता राखण्याचे आवाहन केले आहे. प्रत्यक्षदर्शींनी दिलेल्या माहितीनुसार, हल्लेखोर हे पूर्ण तयारीनीशी आले होते आणि त्यांनी कोणत्याही प्रकारे रेड्डी यांना वाचण्याची संधी दिली नाही. ज्या क्रूरतेने ही हत्या करण्यात आली आहे, त्यावरून हा पूर्वनियोजित कट असल्याचे स्पष्ट होत आहे. या घटनेमुळे पुणे शहर आणि लगतच्या परिसरातील कायदा व सुव्यवस्थेवर पुन्हा एकदा प्रश्नचिन्ह उपस्थित केले जात असून भरवस्तीत झालेल्या या गोळीबाराने सर्वसामान्यांमध्ये भीतीचे वातावरण आहे.

सीसीटीव्ही फुटेज आणि तांत्रिक पुराव्यांच्या आधारे आरोपींचा शोध सुरू

देहूरोड पोलीस सध्या या प्रकरणाचा सखोल तपास करत असून परिसरातील सर्व सीसीटीव्ही कॅमेऱ्यांचे फुटेज तपासले जात आहेत. हल्लेखोर कोणत्या दिशेने आले आणि त्यांनी पळ काढण्यासाठी कोणत्या मार्गाचा वापर केला, याची माहिती मिळवण्यासाठी तांत्रिक पथकाची मदत घेतली जात आहे. पोलिसांनी घटनास्थळावरून काडतुसांचे रिकामे पुंगळे जप्त केले असून फॉरेन्सिक टीमनेही पुरावे गोळा केले आहेत. 

इतर महत्त्वाच्या बातम्या 

बुधवार पेठेत कारवाई, कथित वेश्याव्यवसाय रॅकेटचा पर्दाफाश; 14 बांगलादेशी नागरिकांसह 18 जण ताब्यात