पात्रतेचे निकष काय?

या पदांसाठी अर्ज करू इच्छिणाऱ्या उमेदवारांनी किमान 50 टक्क्यांच्या एकूण गुणांसह  बारावी किंवा समतुल्य परीक्षा उत्तीर्ण असणे आवश्यक आहे. या शैक्षणिक अर्हतेच्या आधारे पात्र ठरणाऱ्या तरुणांना रेल्वे विभागात सरकारी नोकरी मिळवण्याची सुवर्णसंधी उपलब्ध झाली आहे. सदर भरती प्रक्रियेसाठी 15 ऑक्टोबर पासून ऑनलाइन अर्ज भरण्यास सुरुवात झाली असून, अर्ज करण्याची अंतिम तारीख 13 नोव्हेंबर 2026 आहे.

हे ही वाचा : अजित पवार यांच्या NCP मधील इनसाईड स्टोरी, नेमकं काय घडतंय?

अर्ज कसा करावा?

अर्ज शुल्काबाबत बोलायचे तर, सर्वसाधारण प्रवर्गातील उमेदवारांसाठी 500 रुपये शुल्क आकारले जाईल, तर एससी, एसटी, माजी सैनिक, दिव्यांग, महिला, ट्रान्सजेंडर, अल्पसंख्याक आणि आर्थिक मागास वर्ग (EBC) यांसारख्या पात्र उमेदवारांसाठी सवलतीचे 250 रुपये शुल्क निश्चित करण्यात आले आहे. इच्छुक उमेदवारांनी अंतिम मुदतीपूर्वी रेल्वेच्या अधिकृत संकेतस्थळावर जाऊन अर्ज करणे आवश्यक आहे.

हे ही वाचा : कराळे मास्तर, रविराज साबळेंनी प्रस्थापितांची गणितं कशी बिघडवली?

पगार किती मिळणार?

निवड झालेल्या उमेदवारांना सातव्या केंद्रीय वेतन आयोगाच्या (7th CPC) नियमांनुसार वेतन मिळणार असून, त्यात लेव्हल 2 आणि लेव्हल 3 चा समावेश आहे. तिकीट लिपिक पदासाठी लेव्हल 3 नुसार 21,700 रुपये मूळ वेतन दिले जाईल, तर उर्वरित तीन पदांसाठी लेव्हल 2 नुसार 19,900 रुपये मूळ वेतन निश्चित करण्यात आले आहे. या भरती संबंधी अधिक माहिती व तपशीलासाठी उमेदवारांनी rrb.indianrailways.gov.in या अधिकृत संकेतस्थळाला भेट द्यावी.