पुण्यात "श्री उवसग्गहरं स्तोत्र"च्या सामूहिक पठणाचे भव्य आयोजन

सध्या अशा उपक्रमांची गरज आहे ज्याच्यामुळे सकारात्मक ऊर्जा तयार होते. यावर्षी स्तोत्र पठणाचे नववे वर्ष असून  प्रथम कार्यक्रम 2017 मध्ये दानशूर आदरणीय श्री. रसिकलालजी धारीवाल यांच्या प्रमुख उपस्थितीत आणि संत व साध्वी म. सा. यांच्या सानिध्यात संपन्न झाला होता.

हे ही वाचा>> PUNE: 'डिजे लावणाऱ्या गणेश मंडळांना आर्थिक मदत करणार नाही', पुनीत बालन यांची मोठी घोषणा

याही वर्षी, आर. एम. धारीवाल फाउंडेशनच्या अध्यक्षा जान्हवी धारीवाल बालन व उपाध्यक्षा शोभा रसिकलाल धारीवाल यांच्याद्वारे दिनांक 17 ऑगस्ट 2025 रविवार रोजी सायंकाळी 4 वाजता आचार्य पद्मश्री चंदनाजी म. सा. पू. श्री मुकेश मुनिश्री म. सा. आणि पू. श्री जयप्रभा विजयजी गुरुदेव म. सा. पू. श्री आगमचंद्रजी स्वामी म. सा. यांच्या उपस्थितीत "उवसग्गहरं स्तोत्र'' सामूहिक पठणाचे आयोजन श्रीमान रसिकलालजी एम धारीवाल स्थानक भवन यश लॉन्स, बिबवेवाडी पुणे येथे आयोजित करण्यात आलेले आहे.

हे ही वाचा>> पुणे: मानाच्या पाचव्या गणपतींनंतर विसर्जन मिरवणुकीत सहभागी होणार, 'या' मंडळांनी घेतला मोठा निर्णय!

कार्यक्रम वेळेवर ठीक 4 वाजता सुरु होईल. दिलेल्या नियोजित वेळेत लहान-थोर, जैन-अजैन या सर्वांनी सहपरिवार या महामंगलकारी स्तोत्रात सहभागी होऊन लाभ घ्यावा. सहभागी होणाऱ्या पुरुषांनी शुभ्र तर महिलांनी केशरी अथवा पिवळे वस्त्र परिधान करणे अनिवार्य आहे. तसेच कार्यक्रमानंतर लगेच चौविहारची (जेवण) सुद्धा व्यवस्था करण्यात आल्याची माहिती फाऊंडेशनच्या शोभा रसिकलालजी धारीवाल यांनी दिली आहे.

​​​​​​​