सततचे टोमणे आणि लिव्हरचा आजार.., पंढरपूर ॲसिड हल्ला प्रकरणाला वेगळं वळण, तरुणीने स्वतःच रचला बनाव

हेही वाचा : उत्तर प्रदेशातील दोन सख्ख्या भावांची महाराष्ट्रात हत्या, गळ्यावर 25 वार करत संपवले; मालेगावात करायचे पेंटिंगचे काम

पंढरपूरात काल रात्री एका तरुणीवर अज्ञाताने ॲसिड फेकल्याची बातमी समो आली आणि संपूर्ण शहर हादरून गेलं. घटनेचं गांभीर्य ओळखून सहाय्यक पोलीस अधीक्षक प्रशांत डगळे यांनी तातडीने तपासाची सूत्रं हालवली. मात्र, जसा तपास पुढे सरकला, तसं सत्य समोर येऊ लागलं. पोलिसांनी परिसरातील सीसीटीव्ही फुटेज तपासले असता, कोणतीही संशयास्पद व्यक्ती तिथे दिसून आली नाही.

पीडित तरुणीने दिलेल्या जबाबातील विसंगतीमुळे पोलिसांचा संशय बळावला. अखेर निर्भया पथक आणि डॉक्टरांच्या उपस्थितीत झालेल्या चौकशीत या मुलीने स्वतःच हा बनाव रचल्याची कबुली दिली. घरातील सततचे टोमणे आणि लिव्हरच्या आजारपणामुळे आलेल्या मानसिक तणावातून तिने हा प्रकार केल्याचे समोर आले आहे. एकीकडे महिलांवरील अत्याचाराच्या घटना वाढत असताना, पंढरपूरमधील या घटनेने पोलिसांना आरोपीला पकड्यासाठी मोठी धावपळ करावी लागत होती. मात्र, घरच्यांना धडा शिकवण्यासाठी किंवा वैयक्तिक नैराश्यातून असे टोकाचे पाऊल उचलणे किती महागात पडू शकते, हेच या घटनेतून अधोरेखित झाले आहे. सध्या या तरुणीवर उपचार सुरू असून पंढरपूर पोलिसांनी अवघ्या काही तासांत या घटनेमागचे गूढ उकलले आहे.

इतर महत्त्वाच्या बातम्या 

मुलीच्या मृतदेहासोबत चार महिने घरात राहिले, दुर्गंधी येऊ नये म्हणून परफ्यूमचा वापर; वडिलांना नेमकं काय करायचं होतं?