लातूर : तरुणीचे इन्स्टावर 32 हजार फॉलोवर्स, पण एका चुकीमुळे थेट तुरुंगात!

हेही वाचा : विधानपरिषद निवडणूक : महाविकास आघाडीचा जागा वाटपाचा फॉर्म्युला समोर, कोण किती जागा लढणार?

कॉपर वायरची चोरी केल्याची कबुली

या कारवाईबाबत सविस्तर माहिती देताना पोलीस अधिकाऱ्यांनी सांगितले की, स्थानिक गुन्हे शाखेच्या पथकाला एका युवतीद्वारे निर्माणाधीन साइटवरून कॉपर वायरची चोरी केली जात असल्याची गुप्त माहिती मिळाली होती. या माहितीची दखल घेत पोलीस निरीक्षक सुधाकर बावकर यांच्या नेतृत्वाखालील विशेष पथकाने सापळा रचला आणि बुधवारी एका शाळेच्या परिसरातून संशयित प्रिया कांबळे हिला ताब्यात घेतले. पोलिसांच्या प्राथमिक चौकशीमध्ये प्रियाने आपण प्रकाश नगर परिसरातील बुद्ध विहार जवळ असलेल्या एका निर्माणाधीन साइटवरून कॉपर वायरची चोरी केल्याची कबुली दिली आहे. चोरलेल्या या तारा ती स्थानिक भंगारच्या दुकानात विकत असे आणि त्यातून मिळालेले पैसे आपल्या चैनीसाठी वापरत होती, असे तपासात समोर आले आहे.

हेही वाचा : NCP सोडलेल्या नेत्याची 'त्या' पदावरील नेमणूक रोखा, सूनेत्रा पवारांचं मुख्यमंत्र्यांना पत्र

41 हजार रुपये रोख रक्कम जप्त

पोलिसांनी या कारवाईदरम्यान आरोपी तरुणीच्या ताब्यातून 41 हजार रुपये रोख रक्कम जप्त केली आहे. तपास अधिकाऱ्यांना असा ठाम विश्वास आहे की, ही रक्कम तिने चोरी केलेले कॉपर वायर भंगार दुकानदारांना विकूनच कमावली होती. या प्रकरणाच्या संदर्भात एमआयडीसी पोलीस ठाण्यात यापूर्वीच कॉपर वायर चोरीचा गुन्हा दाखल झालेला होता. प्रिया कांबळेच्या अटकेनंतर या गुन्ह्याचा तपास अधिक वेगाने सुरू असून, तिला पुढील कायदेशीर कारवाईसाठी एमआयडीसी पोलिसांच्या ताब्यात देण्यात आले आहे. 

सोशल मीडियावरील ग्लॅमरस आयुष्याचा चेहरा असलेल्या या तरुणीचे नाव अशा गुन्हेगारी प्रकरणात आल्याने सर्वत्र आश्चर्य व्यक्त केले जात आहे. सोशल मीडियावर लोकप्रियता मिळवणारी एक तरुणी अशा प्रकारे गुन्हेगारी मार्गाला का लागली, हे आता तपासाअंती स्पष्ट होईल. या धक्कादायक प्रकरणाने लातूरमध्ये चर्चेला उधाण आले असून पोलीस आता या प्रकरणाशी संबंधित सर्व दुवे तपासत आहेत.