NCP सोडलेल्या नेत्याची 'त्या' पदावरील नेमणूक रोखा, सूनेत्रा पवारांचं मुख्यमंत्र्यांना पत्र
Sunetra Pawar letter to CM Devendra Fadnavis : उपमुख्यमंत्री सुनेत्रा पवार यांनी मुख्यमंत्री देवेंद्र फडणवीस यांना पत्र लिहून म्हाडाच्या 'सेल्फ-ग्रुप रिडेव्हलपमेंट ऑथॉरिटी'च्या उपाध्यक्षपदी आनंद परांजपे यांची केलेली नेमणूक रोखण्याची विनंती केली आहे. आनंद परांजपे यांनी अलीकडेच राष्ट्रवादी काँग्रेस सोडून शिंदेंच्या शिवसेनेत प्रवेश केल्याने हा निर्णय घेण्यात आला आहे.
ADVERTISEMENT
बातम्या हायलाइट
NCP सोडलेल्या नेत्याची 'त्या' पदावरील नेमणूक रोखा
सूनेत्रा पवारांचं मुख्यमंत्र्यांना पत्र
Sunetra Pawar letter to CM Devendra Fadnavis : उपमुख्यमंत्री सुनेत्रा पवार यांनी मुख्यमंत्री देवेंद्र फडणवीस यांना लिहिलेल्या एका पत्रामुळे पुन्हा एकदा राजकीय चर्चांना उधाण आले आहे. या पत्राद्वारे सुनेत्रा पवार यांनी म्हाडाच्या 'सेल्फ-ग्रुप रिडेव्हलपमेंट ऑथॉरिटी' (SGRA) च्या उपाध्यक्षपदावर आनंद परांजपे यांची होणारी नेमणूक तातडीने रोखण्याची विनंती केली आहे. आनंद परांजपे हे काही दिवसांपूर्वीपर्यंत राष्ट्रवादी काँग्रेसमध्ये कार्यरत होते, मात्र त्यांनी नुकताच त्या पक्षाला रामराम ठोकून एकनाथ शिंदे यांच्या नेतृत्वाखालील शिवसेनेत अधिकृत प्रवेश केला आहे.
हेही वाचा : बाप मुलीच्या सासरी गेला अन् हादरलाच, सहा महिन्यांपूर्वीच सगळं संपलं होतं; दोषी कोण?
नेमणुकीच्या शिफारशीला स्थगिती देण्याबाबत मुख्यमंत्र्यांना पत्र
आनंद परांजपे हे राष्ट्रवादीमध्ये असताना त्यांच्या नावाची या पदासाठी शिफारस करण्यात आली होती, परंतु आता त्यांच्या पक्षबदलानंतर त्यांना हे पद दिले जाऊ नये, अशी भूमिका सूनेत्रा पवार यांनी घेतलीये. समन्वय समितीच्या बैठकीत या विषयावर सविस्तर चर्चा झाली होती आणि त्याच बैठकीत हा निर्णय घेण्यात आला होता की, या नेमणुकीच्या शिफारशीला स्थगिती देण्याबाबत मुख्यमंत्र्यांना पत्र देऊन कळवावे.
हेही वाचा : बुलढाणा : शिवानीचा मर्डर केला म्हणून तिचे वडील अन् भाऊ तुरुंगात, पण ती जिवंत निघाली!
