रीलस्टार हॉटेल मालकीणीच्या आत्महत्येचं कारण काय? नेमकं काय घडलं?

हेही वाचा : पुणे : IT इंजिनिअर मुलीचे चप्पल विक्रेत्यासोबत प्रेमसंबंध.. शेवटी नदीपात्रात मृतदेह सापडला!

व्यवसाय विस्ताराचा तणाव आणि वैयक्तिक वादाची चर्चा

रोहिणी आणि निलेश यांचा प्रेमविवाह झाला होता आणि काही काळ पुण्यामध्ये वास्तव्यास असताना त्यांनी सोशल मीडियावर रील बनवण्यास सुरुवात केली. त्यांच्या रील आणि हॉटेलमधील खेळीमेळीच्या वातावरणातील व्हिडिओ सोशल मीडियावर प्रचंड लोकप्रिय झाले होते. या लोकप्रियतेच्या जोरावर त्यांनी मंगळवेढा तालुक्यात दोन नवीन हॉटेल शाखा सुरू केल्या. मात्र, या नवीन शाखांचे व्यवस्थापन करणे, आर्थिक घडी नीट बसवणे आणि शाखा यशस्वीपणे चालवणे यासाठी त्यांना तारेवरची कसरत करावी लागत होती. या शाखांच्या विस्ताराच्या तणावातूनच त्यांच्यात वाद निर्माण झाले असावेत, अशी जोरदार चर्चा सध्या सुरू आहे. महत्त्वाचे म्हणजे, रोहिणी यांचा निलेश यांच्यासोबतचा हा दुसरा विवाह असल्याचे समजते आहे. त्यामुळे प्रेमविवाहानंतर नक्की कोणत्या कारणाने त्यांनी हे टोकाचे पाऊल उचलले, दोघांमधील मतभेदांचे नेमके स्वरूप काय होते, की अन्य काही वेगळे कारण यामागे आहे, याबाबत विविध तर्क-वितर्क लढवले जात आहेत.

हेही वाचा : दुष्काळात तेरावा महिना, पुणेकरांच्या खिशाला कात्री, 'एवढ्या' रुपयांनी महागला CNG

कुटुंबावर कोसळला दुःखाचा डोंगर 

या घटनेने पाराध्ये कुटुंबावर दुःखाचा डोंगर कोसळला आहे. परंतु सध्या तरी पोलिसांकडून आकस्मिक मृत्यूची नोंद करण्यात आली आहे. व्यवसाय यशाच्या शिखरावर असताना आणि नवीन शाखांच्या विस्ताराची तयारी सुरू असतानाच रोहिणी यांनी आत्महत्या केल्याने अनेकांना मोठा धक्का बसला आहे. एका आनंदी रीलस्टार ते आत्महत्या अशा या प्रवासाने संपूर्ण मंगळवेढा तालुका हादरून गेला आहे. ही हृदयद्रावक घटना मंगळवेढा तालुक्यातील ब्रह्मपुरी येथे घडली आहे.