पुणे : कौटुंबिक वादातून नवऱ्याने बायकोची केली निर्घृण हत्या, नातेवाईकांकडून पुरावा नष्ट करण्याचा प्रयत्न

हे ही वाचा : शरद पवार गटाने सुनेत्राताईंचं नेतृत्व स्वीकारुन विलिनीकरण करावं; राष्ट्रवादीच्या बड्या नेत्याचं वक्तव्य

संबंधित प्रकरणात शेजारी राहणाऱ्या काही मंडळींनी महिलेला ससून रुग्णालयात दाखल केले होते. उपचारादरम्यान महिलेचा मृत्यू झाला. पोलिसांनी सखोल तपास करत हा अपघात नसून खून असल्याचे स्पष्ट केले. या घटनेनं परिसर हादरून गेला आहे.  

नवरा तुषार आणि बायको वैष्णवी यांच्यात वाद 

या प्रकरणात पुरावे नष्ट करण्यासाठी मदत करणारे आरोपी मनोज रोहिदास कांबळे (वय 39) आणि वनिता मनोज कांबळे (वय 32) यांच्यावर गुन्हा दाखल करण्यात आला होता. पोलिसांनी दिलेल्या माहितीनुसार, तुषार आणि वैष्णवी यांच्यात सतत वाद व्हायचे. दोन दिवसांपूर्वी त्यांच्याच जोराचा वाद उफळला होता. 

मनोज आणि वनिता कांबळे यांनी घरातील फरशीवरील सांडलेले रक्त पुसलं

दरम्यान आरोपी तुषारचे नातेवाईक मनोज आणि वनिता कांबळे यांनी घरातील फरशीवर सांडलेले रक्ताचे डाग पुसले. मनोज कांबळे हा दरवाज्यात उभा राहून कोण येरझारा मारतंय का याकडे लक्ष ठेवून होता.  

हे ही वाचा : कोरियन गेम खेळणाऱ्या मुलींच्या वडिलांचा मेहुणीशी दुसरा विवाह, दोघीही सोबतच... कुटुंबाची हिस्ट्री आली समोर

पोलिसांनी शेजाऱ्यांची चौकशी केल्यानंतर आणि घटनास्थळाची पाहणी केल्यानंतर हा अपघात नसून सुनियोजित हत्या असल्याचं समोर आलं. रागाच्या भरात तुषार तुपसुंदर याने पत्नीच्या डोक्यात जड वस्तूच्या सहाय्याने हल्ला करत हत्या केली. संबंधित प्रकरणात तिघांविरुद्ध खडक पोलीस ठाण्यात हत्येचा गुन्हा दाखल करण्यात आला. या प्रकरणात पोलीस पुढील तपास करत आहेत.