पुण्यातील बुधवार पेठेत महिलेनं 9 व्या मजल्यावरून उडी घेत स्वत:ला संपवलं, ' मला या कामाचा..' चिठ्ठीत होतं आत्महत्येचं कारण

हे ही वाचा : बऱ्याच काळापासून प्रेमसंबंध, पण घरच्यांनी दुसरीकडेच ठरवलं लग्न! अखेर, प्रेमी युगुलाचा टोकाचा निर्णय अन्...

आत्महत्या करणाऱ्या महिलेनं भगवान गोपाल घारे (वय 23) तरुणाशी विवाह केला होता. तो मूळचा जामखेडचा रहिवासी होता. तिच्या सासरचे लोक त्याच ठिकाणी कॅन्टीनचे काम करायचे. दरम्यान, एका वृत्तमाध्यमाने दिलेल्या माहितीनुसार, विश्रामबाग पोलीस ठाण्याचे निरीक्षक अरुण घोडके म्हणाले, ही महिला मूळची अहिल्यानगरची रहिवासी आहे. तर तिचा विवाह हा एका वर्षांपूर्वी भगवान गोपाल घारे याच्याशी झाला होता. नंतर तिनं आपला संसार पुण्यात थाटला. 

सुसाईड नोटमध्ये आत्महत्येचं कारण

या प्रकरणात पोलिसांनी तपास सुरु केला असता, राहत्या घरात एक सुसाईड नोट सापडली, ज्यात तिनं लिहिलं की, 'मी माझ्या घरातल्या लोकांना योग्यतेची वाटत नाही. मला या कामाचा कंटाळा आला आहे, मी स्वत:हून आत्महत्येचं पाऊल उचलत आहे,' असं त्या सुसाईड नोटमध्ये तिनं नमूद केलं होतं. तिनं इमारतीच्या 9 व्या मजल्यावरून उडी घेत स्वत:ला संपवलं. 

मृतदेह शवविच्छेदनासाठी पाठवण्यात आल आणि पोलीस ठाण्यात तक्रार दाखल करण्यात आली. या प्रकरणात एफआरआय दाखल झालेला नसल्याचं सांगण्यात येत आहे.पोलिसांनी या प्रकरणाचा पुढील शोध सुरु ठेवला आहे.  

हे ही वाचा : विकृत भेळपुरीवाल्याचं महिलेसोबत लिव्ह इन रिलेशनशिप, गर्लफ्रेंडच्याच 13 वर्षीय चिमुरडीवर वर्षभर नको तेच केलं...

या घटनेनंतर पुणे शहरातील बुधवार पेठ हा परिसर पुरता हादरून गेला आहे. याच ठिकाणी मोठ्या प्रमाणात गर्दी देखील जमली होती. परिसरात एकच गोंधळ झाल्याने वाहतूक सेवा काही वेळ विस्कळीत झाली होती. तेव्हा पोलीस पथकाने तातडीने परिस्थिती सुरळीत केली.