देवेंद्र फडणवीसांचा फोटो मॉर्फ करुन आक्षेपार्ह पोस्ट केल्याचा आरोप, शरद पवार गटाच्या सोशल मीडिया प्रमुखाला अटक

मुख्यमंत्र्यांची बदनामी आणि नक्षलवाद्याचे उदात्तीकरण केल्याचा आरोप

महादेव बालगुडे यांच्यावर केवळ मुख्यमंत्र्यांच्या बदनामीचाच नाही, तर नक्षलवादी विचारांच्या प्रसाराचाही गंभीर आरोप आहे. त्यांनी नक्षलवादी नेता हिडमा याचे उदात्तीकरण करणारी पोस्ट सोशल मीडियावर शेअर केल्याचा ठपकाही त्यांच्यावर ठेवण्यात आलाय. एका जबाबदार पदावर असताना अशा प्रकारे आक्षेपार्ह पोस्ट केल्याने त्यांच्या अडचणीत वाढ झाली आहे. 

मर्डर करुन मृतदेह जाळला अन् नंतर शेतात नेऊन पुरला, नुकतंच लग्न झालेल्या रुपासोबत काय घडलं?

वकिलाच्या तक्रारीवरून गुन्हा दाखल आणि पोलीस तपास

या संपूर्ण प्रकरणाची सुरुवात एका वकिलाने सायबर पोलिसांकडे धाव घेतल्याने झाली. संबंधित वकिलाने बालगुडे यांच्या सोशल मीडियावरील पोस्ट निदर्शनास आणून देत लेखी तक्रार दाखल केली होती. या तक्रारीमध्ये मुख्यमंत्र्यांची प्रतिमा मलीन करणे आणि देशविघातक शक्तींचे समर्थन करणे अशा मुद्द्यांवर भर दिला होता. तक्रारीची गांभीर्याने दखल घेत सायबर पोलिसांनी गुन्हा नोंदवून तत्परतेने महादेव बालगुडे यांना अटक केली. सध्या पोलीस कोठडीत त्यांची कसून चौकशी केली जात असून यामागे आणखी कोणाचा हात आहे का, याचा शोध घेतला जात आहे.

राजकीय पडसाद आणि सोशल मीडियावरील कडक पाळत

महादेव बालगुडे यांच्या अटकेनंतर पिंपरी-चिंचवडसह राज्यभरातील राजकीय वातावरण तापले आहे. शरद पवार गटाच्या एका महत्त्वाच्या पदाधिकाऱ्याला अटक झाल्याने पक्षाकडून कोणती भूमिका घेतली जाते, याकडे सर्वांचे लक्ष लागले आहे. सध्या या प्रकरणाचा पुढील तपास सुरू असून पोलीस डिजिटल पुरावे गोळा करण्याचे काम करत आहेत.

इतर महत्त्वाच्या बातम्या 

कॉन्स्टेबलची प्रेयसी घरात घुसली अन् होत्याचं नव्हतं झालं, बायको आणि मुलाला संपवलं, चाकूने केले 32 वार