अकोला हादरलं, पोटच्या मुलीवर बापाचा लैंगिक अत्याचार, काकानेही अब्रू लुटली, नंतर शेजारचा आजोबाही झाला नराधम

सहनशक्ती संपल्यानंतर अखेर या चिमुकलीने शाळेतील शिक्षकांपुढे आपल्यावर झालेल्या अन्यायाची व्यथा मांडली. शाळेत आयोजित करण्यात आलेल्या चाईल्ड लाईनच्या समुपदेशन कार्यक्रमादरम्यान तिने धैर्य एकवटून घडलेला प्रकार सांगितला. तिचे म्हणणे ऐकून शिक्षक आणि उपस्थित अधिकाऱ्यांना धक्का बसला. या प्रकाराचं गांभीर्य लक्षात घेत शाळेचे मुख्याध्यापक गणेश ठाकरे यांनी तात्काळ चाईल्ड लाईनच्या महिला अधिकाऱ्यांसह तेल्हारा पोलीस ठाण्यात धाव घेतली.

हेही वाचा : BMC Election 2026: खळबळ उडवून देणारा सर्व्हे... 'ठाकरे आणि शिंदेंनी एकत्र यावं', एवढ्या टक्के लोकांनी दिला भलताच कौल!

मुख्याध्यापकांनी दिलेल्या तक्रारीवरून तेल्हारा पोलिसांनी तत्काळ कारवाई सुरू करत संबंधित आरोपींविरोधात गंभीर स्वरूपाचे गुन्हे दाखल केले. पीडितेचे वडील, काका आणि शेजारी राहणाऱ्या वृद्ध व्यक्तीविरोधात भारतीय न्याय संहिता (BNS) अंतर्गत कलम 64(2) (f), (m), 65(1) तसेच बाल लैंगिक अत्याचार प्रतिबंधक कायद्याच्या (POCSO) कलम 4, 6 आणि 8 अन्वये गुन्हा नोंदवण्यात आला आहे. या प्रकरणाला गुन्हा क्रमांक 382/25 देण्यात आला आहे.

पोलिसांनी दिलेल्या माहितीनुसार, वडील आणि काकाकडून गेल्या सहा दिवसांपासून मुलीवर अत्याचार सुरू होते. या प्रकरणात आरोपी वडील आणि शेजारी राहणाऱ्या वृद्ध व्यक्तीला अटक करण्यात आली आहे. मात्र, नराधम काका हा फरार आहे, तो मागील 20 दिवसांपासून पुणे येथे आहे.

इतर महत्त्वाच्या बातम्या 

पनवेल महापालिका निवडणुकीत 2017 मध्ये भाजपने किती जागा जिंकल्या? किती होती शेकापची ताकद? इतिहास घ्या जाणून