बीड : पाण्यातून गुंगीचे औषध दिलं, अन् नंतर चुलत्यानेच केला पुतणीवर अत्याचार

गुंगीचे औषध देऊन अत्याचार आणि कुटुंबाला संपवण्याची धमकी

या घटनेची सविस्तर माहिती अशी की, 14 ऑक्टोबर 2025 रोजी ही विवाहित तरुणी आपल्या माहेरी आई-वडिलांकडे आली होती. दुपारी 1:30 ते 3:30 च्या दरम्यान ती शेत वस्तीवर असताना, शेजारीच राहणाऱ्या तिच्या चुलत्याने तिला पिण्याच्या पाण्यातून गुंगीचे औषध दिले. गुंगी आल्यानंतर नराधमाने तिच्या असहायतेचा फायदा घेत तिच्यावर लैंगिक अत्याचार केला. शुद्धीवर आल्यानंतर पीडितेने प्रतिकार करण्याचा प्रयत्न केला असता, 'जर ही घटना कोणाला सांगितली तर तुझ्या आई-वडिलांना जीवे मारून टाकीन' अशी धमकी आरोपीने दिली. या दहशतीमुळे पीडित मुलगी दीर्घकाळ गप्प होती, मात्र त्यानंतर तिने धीर धरून आपल्या पालकांना घडलेली सर्व आपबिती सांगितली.

हेही वाचा : पतीला बाहेर बसवून पत्नीवर लैंगिक अत्याचार, अशोक खरातने पूजा करण्याच्या बहाण्याने अब्रु लुटली; आणखी एक गुन्हा दाखल

युसूफ वडगाव पोलिसात गुन्हा दाखल आणि आरोपीचा शोध सुरू

पीडितेच्या तक्रारीवरून शनिवारी सायंकाळी युसूफ वडगाव पोलीस ठाण्यात आरोपी चुलत्याविरुद्ध गुन्हा नोंदवण्यात आला आहे. पोलिसांनी याप्रकरणी गुन्हा रजिस्टर नंबर 68/2026 अंतर्गत भारतीय न्याय संहितेच्या कलम 64(2)(f) आणि 351(2) नुसार गुन्हा दाखल केला आहे. या प्रकरणाचा तपास सहाय्यक पोलीस निरीक्षक मच्छिंद्रनाथ शेंडगे यांच्या मार्गदर्शनाखाली पोलीस उपनिरीक्षक भारत बर्डे हे करत आहेत. कायद्याच्या विविध कलमांनुसार नराधमावर कठोर कारवाई करण्याची प्रक्रिया सुरू करण्यात आली असून, पीडितेचा जबाब आणि इतर तांत्रिक पुरावे गोळा करण्याचे काम युद्धपातळीवर सुरू आहे.

सध्या या प्रकरणातील मुख्य आरोपी हा पोलिसांना चकवा देऊन फरार झाला असून तो जिल्ह्याबाहेर दडून बसल्याची माहिती समोर येत आहे. पोलीस पथके त्याच्या मागावर असून त्याचा शोध घेण्यासाठी विविध ठिकाणी छापेमारी केली जात आहे. अद्याप आरोपीचा निश्चित ठावठिकाणा लागलेला नसला तरी, लवकरच त्याला अटक करण्यात येईल असा विश्वास पोलिसांनी व्यक्त केला आहे. आपल्याच पुतणीचा संसार उद्ध्वस्त करणाऱ्या आणि पवित्र नात्याला काळीमा फासणाऱ्या या आरोपीला लवकरात लवकर बेड्या ठोकून कठोर शिक्षा द्यावी, अशी मागणी जोर धरत आहे. या घटनेने ग्रामीण भागातील महिलांच्या सुरक्षिततेचा आणि कौटुंबिक विश्वासाचा प्रश्न पुन्हा एकदा ऐरणीवर आला आहे.

इतर महत्त्वाच्या बातम्या 

नांदेड :विधवा महिलेला लग्नाचे आमिष दाखवून भोंदूबाबाचा अत्याचार, बाबा खरातसारखेच आणखी एक प्रकरण