महाराष्ट्र हादरला, MPSC परिक्षेत राज्यात प्रथम आलेल्या राज्यकर अधिकाऱ्याचा मृतदेह आढळला, हत्या की आत्महत्या?

राज्यकर अधिकारी सचिन जाधवर यांचा मृतदेह आढळल्याने खळबळ 

अधिकची माहिती अशी की, सचिन जाधवर यांच्या पत्नीने आज सकाळी ते रात्री घरी परत न आल्याने शिवाजीनगर पोलीस ठाण्यात मिसिंगची तक्रार दाखल केली होती. त्यानंतर पोलिसांनी तात्काळ शोधमोहीम सुरू केली. मात्र काही तासांतच बीड ग्रामीण पोलीस ठाण्याच्या हद्दीतील ग्रामीण भागात एका गाडीमध्ये त्यांचा मृतदेह आढळून आल्याने परिसरात एकच खळबळ उडाली.

हेही वाचा : मुंबईचा शिवसेनेचा महापौर करण्यासाठी वेगळी गणितं जुळवणार का? उद्धव ठाकरे म्हणाले..

प्राथमिक माहितीनुसार, ज्या कारमध्ये सचिन जाधवर यांचा मृतदेह आढळून आला, त्या गाडीमध्ये एक मडके सापडले असून गाडीच्या खालीही एक मडके आढळून आले आहे. विशेष म्हणजे या मडक्यांमध्ये कोळसे असल्याची माहिती समोर आली आहे. ही बाब अत्यंत संशयास्पद असून मृत्यूच्या कारणांबाबत अनेक तर्कवितर्क लावले जात आहेत. घटनास्थळाची पाहणी केल्यानंतर पोलिसांनी मृतदेह ताब्यात घेऊन उत्तरीय तपासणीसाठी बीड जिल्हा रुग्णालयात पाठवला आहे.

हत्या की आत्महत्या तपास सुरु? 

दरम्यान, हा मृत्यू आत्महत्येने झाला की त्यांची हत्या करण्यात आलीये? याबाबत कोणताही अधिकृत निष्कर्ष अद्याप काढण्यात आलेला नाही. जाधव यांचा मृत्यू नेमका कशामुळे झाला, त्यांनी आत्महत्या केली की त्यांची हत्या करण्यात आली, याचा उलगडा शवविच्छेदन अहवाल आणि पुढील तपासानंतरच होणार असल्याचे पोलिसांनी स्पष्ट केले आहे.

सचिन जाधवर हे अत्यंत हुशार, अभ्यासू आणि प्रामाणिक अधिकारी म्हणून ओळखले जात होते. त्यांनी इंग्रजी व्याकरणावर आधारित अनेक पुस्तके लिहिली असून स्पर्धा परीक्षा क्षेत्रात त्यांची वेगळी ओळख होती. त्यांच्या अचानक मृत्यूमुळे प्रशासकीय वर्तुळात तसेच विद्यार्थी आणि वाचकांमध्ये शोककळा पसरली आहे. या संपूर्ण प्रकरणाचा बीड ग्रामीण पोलीस कसून तपास करत असून सर्व शक्यता तपासल्या जात आहेत. घटनास्थळावरील पुरावे, सीसीटीव्ही फुटेज, मोबाईल कॉल डिटेल्स तसेच सहकाऱ्यांचे जबाब नोंदवले जात आहेत. मृत्यूमागचे नेमके कारण लवकरात लवकर समोर यावे, अशी मागणी नातेवाईकांसह नागरिकांकडून केली जात आहे. सध्या तरी सचिन जाधव यांचा मृत्यू हा एक गूढ बनला असून पोलिस तपासाकडे सर्वांचे लक्ष लागले आहे.

इतर महत्त्वाच्या बातम्या 

मुंबईची खबर: रेल्वे प्रवाशांसाठी गूड न्यूज! आता, हार्बर मार्गावर पुन्हा एसी लोकल धावणार... कसं असेल वेळापत्रक?