व्हॅनचा चक्काचूर

मिळालेल्या माहितीनुसार, अड्याळ येथील सुदर्शन नान्हे यांचा विवाह सोहळा गुरुवारी पार पडला होता. लग्नकार्यावरून वऱ्हाडी मंडळी व्हॅनने घरी परतत असताना अड्याळपासून अवघ्या 5 किलोमीटर अंतरावर समोरून येणाऱ्या एका ट्रकने वॅनला भीषण धडक दिली. ही धडक इतकी भीषण होती की व्हॅनचा अक्षरशः चक्काचूर झाला आणि प्रवासी आतमध्ये अडकून पडले.

हे ही वाचा : गिरीश महाजनांना धारेवर धरणाऱ्या ‘त्या’ महिलेच्या अडचणी वाढल्या, वरळी पोलीस ठाण्यात तक्रार दाखल

एकाच कुटुंबातील 5 जणांचा मृत्यू

या दुर्दैवी घटनेत नवरदेवाचे मामा-मामी आणि एकाच कुटुंबातील माय-लेकींसह एकूण पाच जणांचा अंत झाला. मृतांमध्ये श्वेता पुरुषोत्तम नगरे (16), दुर्गा देवराम नगरे (42), नयना देवराम नगरे (18), प्रभाकर चाचरकर (48) आणि मुन्नी प्रभाकर चाचरकर (43) यांचा समावेश आहे. अपघातात गंभीर जखमी झालेल्या 4 जणांवर सध्या भंडारा जिल्हा रुग्णालय आणि अड्याळ ग्रामीण रुग्णालयात उपचार सुरू आहेत.

हे ही वाचा : विधान परिषद निवडणूक: केशव उपाध्येंना लागणार आमदारकीची लॉटरी?, महाराष्ट्रातून भाजप हायकमांडकडे पाठवली 'ही' नावं

मृतदेह बाहेर काढण्यासाठी गॅस कटरचा वापर

अपघाताची माहिती मिळताच स्थानिक नागरिकांनी आणि पोलिसांनी घटनास्थळी धाव घेतली. व्हॅनमध्ये अडकलेले मृतदेह बाहेर काढण्यासाठी पोलिसांना गॅस कटरचा वापर करावा लागला. या घटनेची नोंद करण्यात आली असून, पोलिसांनी ट्रक चालकाविरुद्ध गुन्हा दाखल केला आहे. एका क्षणात पाच जणांचा बळी गेल्याने परिसरात हळहळ व्यक्त केली जात आहे.