18 हजार कोटींहून अधिक निधी

नुकत्याच झालेल्या मंत्रीमडळ बैठकीत अनेक महत्त्वाचे निर्णय घेण्यात आले. त्यापैकी एक म्हणजे उल्हासनगरपर्यंत मेट्रोचा विस्तार. मुंबई मेट्रो मार्गिका 5 अ च्या दोन टप्प्यांसाठी एकूण 18,130.55 कोटी रुपयांचा निधी मंजूर करण्यात आला आहे. 34.21 किमी लांबीची ही मार्गिका असून यामध्ये 19 स्थानकांचा समावेश आहे. 

हे ही वाचा : महाराष्ट्र : पैसा, प्लॉट अन् घर गेलं, आईची आत्महत्या, शहीदपुत्राची कहाणी, नोकरीसाठी 2 कोटींची फसवणूक

69 लाख प्रवाशांना फायदा

यामधील टप्पा 1 हा कापूरबावडी ते धामणकर नाका, टप्पा 2 हा धामणकर नाका ते दुर्गाडी पर्यंत असणार आहे. या प्रकल्पामुळे ठाणे, भिवंडी, कल्याण आणि उल्हासनगर या भागातील सुमारे 69 लाख लोकांना फायदा होणार आहे.

हे ही वाचा : "तुला घरात घुसून मारु, पानसरेंना भेटायला वर जा", संजय गायकवाडांकडून शिवीगाळ अन् मारहाणीची भाषा

वेळेत 50 टक्के बचत

हा प्रकल्प पूर्ण झाल्यानंतर प्रवास वेळेत 40-50% बचत होईल. सध्या मेट्रो 5 मार्गिकेच्या पहिल्या टप्प्याचे काम अंतिम टप्प्यात आहे. बुधवारी झालेल्या मंत्रीमंडळ बैठकीत हा निर्णय घेण्यात आला.