हत्या करुन मृतदेह पुलाखाली टाकला

इतकेच नाही तर हत्येनंतर आरोपीने मृतदेह पोत्यात भरून नारा घाटजवळ वाहणाऱ्या पिवळी नदीच्या पुलाखाली फेकून दिला. जेव्हा लोकांनी पोलिसांना मृतदेहाची माहिती दिली, तेव्हा पोलीस आणि फॉरेन्सिक टीमने तपास सुरू केला. तपासात मृताची ओळख झिंगाबाई टाकळी येथील रहिवासी राहुल सुनील साहू म्हणून झाली. राहुल सदर येथील अचरज टॉवरमध्ये 'हॅप्पी डे' नावाचे हॉटेल चालवत असे.

हे ही वाचा : अकोला : पोलीस निरीक्षक असलेला पती दुसऱ्या महिलेसोबत असल्याची खबर, पत्नी तिथे पोहोचताच तुफान राडा

शारीरिक संबंधाची मागणी

पोलिसांसाठी राहुलचे कॉल डिटेल्स हा सर्वात मोठा पुरावा ठरला. पोलिसांच्या ताब्यात असलेल्या 40 वर्षीय ई-रिक्षा चालक नवीन पंजाबराव पुंडकर याने जो खुलासा केला तो धक्कादायक होता. नवीनने कोरोना काळात राहुलकडून व्याजाने पैसे घेतले होते, दुप्पट पैसे परत करूनही राहुल आणखी 35 हजार रुपयांची मागणी करत होता. घटनेच्या दिवशी जेव्हा राहुल पैसे घेण्यासाठी नवीनच्या घरी पोहोचला, तेव्हा त्यांच्यात वाद वाढला. पैसे न दिल्यास तो मुलीसोबत शारीरिक संबंधाची मागणी करु लागला. यामुळे संतापलेल्या नवीनने जवळच असलेला लोखंडी रॉड उचलला आणि राहुलच्या डोक्यावर सपासप वार करून त्याला संपवून टाकले.

हे ही वाचा : सातारा : आंबेनळी घाटात भीषण दुर्घटना; 700 फूट दरीत कोसळून दांपत्याचा मृत्यू, बचावकार्यात पावसाचा अडथळा

स्वत:च्याच ई-रिक्षातून फेकला मृतदेह

हत्येनंतर नवीनने अत्यंत शिताफीने मृतदेहाची विल्हेवाट लावली. त्याने रक्ताने माखलेला मृतदेह पोत्यात भरला आणि स्वतःच्याच ई-रिक्षात लादून मध्यरात्री नारा घाट पुलाखाली फेकून दिला. जरीपटका पोलिसांनी आरोपी नवीनला अटक केली असून पुढील तपास सुरू आहे.