ही 'ब्राउन शुगर भाभी' आहे तरी कोण? माहेर आणि सासरची लोकही धंद्यात! मुलींच्या टीमकडून सप्लाय...

घरातून ब्राउन शुगर म्हणजेच ड्रग्जचा व्यवसाय करणारी रुबी सिंग उर्फ ​​ब्राउन शुगर भाभी आता तुरुंगात आहे. रुबी उत्तर प्रदेशातून ब्राउन शुगर आणायची आणि त्यात इतर मादक पावडर मिसळायची. हे ड्रग्ज जवळच्या जिल्ह्यांमध्ये पाठवले जायचे. बिहारची रहिवासी असलेल्या रुबीच्या ड्रग्जचा व्यवसाय झारखंडमधील रांचीच्या जवळपास प्रत्येक भागात तिचा पसरला होता. 

बिहारमधील सासाराम जिल्ह्यातील रेल्वे स्टेशनजवळील कारगर गावातील रहिवासी असलेली रूबी गेल्या 10 वर्षांपासून ड्रग्ज व्यवसायात आहे. तिचा भाऊ पिंटू साह, धाकट्या बहिणीचा पती प्रिन्स आणि मेहुणा सूरज कुमार साह यांच्यासोबत तिचे संपूर्ण कुटुंब या व्यवसायात गुंतलेले आहे. बिहारमध्ये राहत असताना ती रांचीपर्यंत तिचा व्यवसाय चालवत होती.

20 हून अधिक गुन्हे दाखल 

पोलिसांच्या माहितीनुसार, रांचीच्या जवळपास प्रत्येक भागातील व्यापारी रुबीकडून ब्राऊन शुगर खरेदी करायचे. ब्राऊन शुगरचा व्यवसाय करताना तिच्यावर 20 हून अधिक गुन्हे दाखल झाले होते. पण तरीही तिने तिच्या व्यवसाय थांबवला नाही. रुबीच्या विरोधात रांचीच्या सुखदेव नगर पोलिस ठाण्यात 13, कोतवाली मध्ये 2, लोअर बाजारात 2, तसेच गोंडा, खेलगाव, जगन्नाथपूरचे पुंडग आणि अर्गोरा अशा अनेक पोलिस स्टेशनमध्ये गुन्हे दाखल आहेत.

हे ही वाचा: मुंबईची खबर: WhatsApp ग्रुपमध्ये Add केलं अन् करेक्ट कार्यक्रमच करून टाकला, घडलं भलतंच...

काद्याच्या कचाट्यात अडकली अन् सरेंडर केलं

काद्याच्या कचाट्यात अडकल्याची जाणीव झाल्यामुळे रुबीने 29 एप्रिल 2025 रोजी सासाराममध्ये आत्मसमर्पण केले. रांची पोलिस तिच्या शोधात सासारामला पोहोचले तेव्हा त्यांना तिने सरेंडर केल्याची माहिती मिळाली. यानंतर पोलिसांनी न्यायालयात अर्ज दाखल करून तिच्या रिमांडची मागणी केली. 3 दिवसांच्या रिमांड दरम्यान रुबीने अनेक धक्कादायक खुलासे केले.

व्यवसायात मुलींचा सहभाग

रुबीच्या म्हणण्यानुसार, तिच्या ब्राऊन शुगर व्यवसायात मुलींचाही सहभाग होता. रुबीकडून ब्राऊन शुगर घेऊन पुरवठादारांना पोहोचवणे हेच या मुलींचे काम होते. कोणालाच संशय येऊ नये म्हणून तिने मुलींना तिच्या व्यवसायात गुंतवले होते. नुकतंच, कोतवाली पोलिसांनी या ड्रग्ज रॅकेटशी संबंधित एका महिलेला अटक केली. पोलिसांनी तिच्याकडून सुमारे 4 लाख 50 हजार रुपये आणि 88 ग्रॅम ब्राऊन शुगर जप्त केली.

हे ही वाचा: मध्यरात्री 4 मुलांच्या आईसोबत रोमान्स करायला गेला अन्...

ब्राऊन शुगरचा मुख्य सूत्रधार कन्हैया रांचीचा रहिवासी असून तो देखील रुबी सिंगकडून वस्तू खरेदी करत असल्याचं चौकशीदरम्यान आढळून आलं. रुबीकडून खरेदी केल्यानंतर तो ब्राऊन शुगर त्याच्या विक्रेत्यांना कमिशन देऊन विकायचा. कन्हैया बरीच वर्षे पोलिसांच्या तावडीतून वाचला. त्यानंतर पोलिसांनी त्याच्या एका खास साथीदाराला त्याच्याकडे पाठवले आणि कन्हैयाला अटक केली आणि सध्या तो तुरुंगात आहे.