चंद्रपूर : तरुणीचे बॉयफ्रेंडशी प्रेमसंबंध अन् लग्न दुसऱ्याशी, प्रियकराने नवऱ्याला 'ते' फोटो पाठवले, नंतर कपडे काढून मारलं

हे ही वाचा : होणाऱ्या नवऱ्याच्या फोनमध्ये दुसऱ्या मुलीचा फोटो पाहिला... संतापलेल्या तरुणीच्या कृत्यामुळे होत्याचं नव्हतं झालं

तरुणाला दोरीने बांधून जबर मारहाण

संबंधित प्रकरणात संतापलेल्या तरुणीच्या सहा जवळच्या नातेवाईकांनी तरुणाला दोरीने बांधून बेदम मारहाण केली. ही घटना 12 फेब्रुवारी रोजी सायंकाळी घडल्याचे वृत्त आहे. पीडितेनं तक्रार करून तळोधी बाळापूर पोलिसांनी त्याच्यावर हल्ला करणाऱ्या सहा पुरुषांविरुद्ध गुन्हा दाखल केल्याचं वृत्त समोर आले. 

नवसागर बोरकरचे 23 वर्षीय तरुणीशी प्रेमसंबंध

नागभीड तहसील तळोधी पोलीस ठाण्यातील सावरगाव येथील नवसागर बोरकर (26) याचे गेल्या तीन वर्षांपासून त्याच्याच गावातील 23 वर्षीय तरुणीशी प्रेमसंबंध होते. पीडित नवसागर म्हणतात की, त्याची प्रेयसी अनेकदा लग्नाबद्दल बोलायची आणि वारंवार त्याच्याकडे पैशांची मागणी करायची. नवसागर तिला ऑनलाईन तर कधी रोख पैसे देखील द्यायचा अशी माहिती समोर आली आहे.  

दुसऱ्या तरुणाला दोघांचे पाठवले फोटो

प्रेयसी दुसऱ्याच तरुणाशी बोलायची आणि नवसागरकडे दुर्लक्ष करायची. नवसागरला हे लक्षात आल्यानंतर त्याने तिच्याशी संपर्क साधणे बंद केले आणि पैशांची मागणी केली, तिने पैसे परत देण्यास नकार दिला. संतापलेल्या नवसागर बोरकरने 11 फेब्रुवारी रोजी प्रेयसीचे ज्या तरुणाशी प्रेमसंबंध होते त्या तरुणाला दोघांचे फोटो पाठवले. 

दरम्यान, 12 फेब्रुवारी रोजी दुपारी 1:30 वाजता, शेतातील काम संपवून ट्रॅक्टरने गावी परतताना महिलेचे जवळचे नातेवाईक सोमेश्वर ठिकरे, प्रकाश ठिकरे आणि वाढोना येथील रहिवासी असलेले घोनमोडे यांनी एका हॉटेलजवळ तरुणाला लाथा बुक्क्यांनी मारहाण केली, नंतर त्याला दोरीने बांधून त्याचे कपडे फाडले. 

हे ही वाचा : वडिलांनी आठ महिन्यांच्या मुलीवर कात्रीने वार करत संपवलं, नंतर स्वत:ही गळफास घेत उचललं टोकाचं पाऊल

अनिल ठिकरे यांच्या पत्नीने तरुणाला चप्पलने बेदम मारले, त्यांचा मुलगा राहुल ठिकरे यांनी त्याच्या डोक्यावर पाणी ओतून बेदम मारहाण केली. या घटनेची माहिती मिळताच वडील गुरुदास बोरकर, चुलत भाऊ दिनेश बोरकर, स्वप्नील बोरकर यांनी त्याला ठिकरे कुटुंबियांच्या तावडीतून कसेबसे सोडवले. पोलिसांनी सावरगाव येथील रहिवासी सोमेश्वर ठिकरे, प्रकाश ठिकरे, प्रमोद घोनमोडे, अनिल ठिकरे, राहुल ठिकरे, अनिलची पत्नी आणि आई यांच्याविरोधात गुन्हा दाखल केला.