दिल्लीतील स्फोट दहशतवादी हल्ला? कारच्या उडाल्या ठिकऱ्या, 5 महत्त्वाच्या अपडेट्स समोर

हे ही वाचा : राजधानीत दिल्लीत स्फोट, प्रत्यक्षदर्शींनी सांगितला घटनेचा थरार, म्हणाले, 'मी असा स्फोट उभ्या आयुष्यात कधीच...'

स्फोट कधी झाला? 

लाल किल्ल्याजवळील मेट्रो स्टेशनजवळ गेट क्रमांक 1 येथे उभ्या असलेल्या कारचा जोरदार स्फोट झाला. या स्फोटानंतर आगडोंब उसळला आहे. जवळपास तीन ते चार वाहनांना आग लागली आहे. प्राथमिक तपासातून, दिल्लीचे पोलीस आयुक्त सतीश गोलचा यांनी सांगितलं की, सायंकाळी  6:52 वाजता एक कार जात असताना, लाल दिव्याजवळ थांबली आणि त्याचक्षणी स्फोट झाला. 

मृतांच्या संख्येत वाढ होण्याची शक्यता

आतापर्यंत या स्फोटात मृतांची संख्या ही 10 असल्याचे सांगण्यात येत आहे. या मृतांच्या संख्येत आणखी वाढ होण्याची शक्यता आहे. तसेच जखमींची संख्या ही 24 वर गेली आहे. जखमींना लोकनायक जयप्रकाश रुग्णालयात दाखल करण्यात आले आहे. स्फोट इतका भीषण होता की, रस्त्यांवरील पथदव्यांचे मोठ्या प्रमाणात नुकसान झाल्याचे चित्र आहे. 

दिल्लीत हाय अलर्ट

या झालेल्या स्फोटामुळे दिल्लीसह आता मुंबईत अलर्ट जारी केला आहे. पोलीस आणि अग्निशमन दलाचे पथक घटनास्थळी पोहोचले आहेत आणि तपास सुरु आहे. संबंधित प्रकरणात एनआयएचे पथकही पोहोचले आहे. 

हे ही वाचा : राजधानी दिल्ली हादरली.. लाल किल्ल्याजवळील भीषण स्फोटात तब्बल 10 जणांचा मृत्यू, मुंबईत हायअलर्ट जारी

अमित शाहांना स्फोटाची माहिती 

या स्फोटाबाबतच्या प्रकरणात पोलीस आयुक्त सतीश गोलचा यांनी गृहमंत्री अमित शाहांना फोनद्वारे संपर्क करत माहिती दिली. अमित शाहांनी नरेंद्र मोदींना याबाबत महत्त्वाचे अपडेट्स दिल्या आहेत.