धुळे हादरलं! आईनं दोन लेकरांसह विहिरीत उडी घेत उचललं टोकाचं पाऊल, धक्कादायक कारण आलं समोर

हे ही वाचा : पैसा-पाणी: AI मुळे कोणाच्या नोकऱ्या जातील, कोणाच्या नोकऱ्या वाचतील?

पोलिसांची घटनास्थळी धाव

विहिरीत 30 ते 40 फूट खोल पाणी होते, घटनेची तत्काळपणे कोणालाच कल्पना झालेली नाही. तिघांचाही शोध घेताना त्यांचा तपास झाला नाही. त्यांना संशय निर्माण झाला आणि अखेर विवाहित तिघांचेही मृतदेह आढळून आले आहेत. या घटनेची माहिती पोलसांना मिळताच, पोलिसांनी घटनास्थळी धाव घेत, तपास सुरु केला. 

आत्महत्येचं धक्कादायक कारण समोर 

या प्रकरणात चौकशीतून समोर आले की, गायत्री ही अनेक दिवसांपासून मानसिक तणावात आपले जीवन जगत होती. कुटुंबातील वाद, मतभेद आणि नैराश्यात वाढ झाल्याने तिने टोकाचं पाऊल उचलल्याचा पोलिसांचा अंदाज आहे. नेमकं कारण काय? याबाबत आता स्पष्टता झालेली नाही.  या घटनेनं परिसर हादरून गेला आहे. या प्रकरणाचा पोलीस पुढील तपास करत असल्याची माहिती समोर आली आहे. 

धुळे शहरात आणखी एक धक्कादायक प्रकार

अशातच आता धुळे शहरात आणखी एक  धक्कादायक प्रकार उघडकीस आला आहे. एका महिलेनं गुंगीचे औषध देऊन लैंगिक अत्याचार केल्याचा आणि अत्याचाराचे चित्रीकरण समाज माध्यमांवर प्रसारित करण्याची धमकी देत 59 लाख 99 हजार रुपये उकळण्याचा प्रकार उघडकीस आला आहे. पीडितेनं दिलेल्या तक्रारीनुसार, सुकलाल रामभाऊ बोरसे (वय 53) याने 2023 पासून ओळख निर्माण करून आर्थिक मदत करण्याचे आमिष दाखवले. 

नंतर पेढ्यातून गुंगीचे औषध मिसळून तिच्यावर लैंगिक अत्याचार करण्यात आला. संबंधित कृत्याचे व्हिडिओ चित्रीकरण केले आणि सोशल मीडियावर प्रसारित करण्याची धमकी देत पैशांची व शारिरीक संबंधाची जबरदस्ती केली. महिला ही मानसिक तणावाखाली केल्याने अखेर तिने आपल्या वडिलांना घडलेला एकूण प्रकार सांगत पोलिसांकडे धाव घेत तक्रार दाखल केली. 

हे ही वाचा : शुक्र आणि बुध ग्रहाची 23 नोव्हेंबर रोजी दुर्मिळ युती, 'या' राशीतील लोकांना पैशाचा मोक्कार फायदा होणार

या प्रकरणात आरोपीने तब्बल 59 लाख 99 हजार 400 रुपये तसेच 5 ते 6 कोरे धनादेश घेतल्याचे फिर्यादीत नमूद करण्यात आले. पोलिसांनी आरोपी सुकलाल बोरसे यास शुक्रवारी अटक असून पुढील तपास सुरु आहे.