CRPF उपमहानिरीक्षकाच्या मुलीने गळफास घेतला, एम्समध्ये वैद्यकीय शिक्षण घेत असलेल्या समृद्धीचं टोकाचं पाऊल

त्वचारोग विभागाच्या पदव्युत्तर पहिल्या वर्षात शिकत होती 

समृद्धी 'एम्स'मधील त्वचारोग विभागाच्या पदव्युत्तर पहिल्या वर्षाची विद्यार्थिनी होती. ती एका मैत्रिणीसह त्या फ्लॅटमध्ये राहत होती. बुधवारी सकाळी तिची मैत्रीण कॉलेजला गेल्यानंतर समृद्धी घरी एकटी होती. रात्री आठच्या सुमारास ती परत आल्यावर दरवाजा आतून बंद असल्याचे तिला आढळले. दरवाजा उघडून पाहिले असता समृद्धीने सिलिंग फॅनला गळफास घेतल्याचे दिसून आले.

हेही वाचा : पिंपरीत नातेवाईक तरुणीशी प्रेमसंबंध, खुनाची दिली सुपारी, भररस्त्यातच अडवून थेट मानेवरच... धक्कादायक कांड

घटनेची माहिती मिळताच पोलीस घटनास्थळी दाखल झाले. समृद्धीच्या कुटुंबीयांनाही त्वरित संपर्क करण्यात आला. सोनेगाव पोलीस ठाण्यात याप्रकरणी अकस्मात मृत्यूची नोंद करण्यात आली आहे. अभ्यासात अत्यंत गुणी असूनही समृद्धी गेल्या काही दिवसांपासून मानसिक तणावातून जात असल्याची माहिती पुढे येत आहे. मात्र तिने अशा अत्यंत टोकाच्या निर्णयापर्यंत का जावे लागले, याचा तपास सुरू असून अद्याप ठोस कारण स्पष्ट झालेले नाही.

'एम्स'च्या विद्यार्थ्यांमध्ये वाढता तणाव?

याआधी ऑगस्ट महिन्यातच 'एम्स'च्या वसतिगृहात राहणाऱ्या संकेत दाभाडे (वय 22, जिंतूर, परभणी) या विद्यार्थ्यानेही गळफास घेऊन आत्महत्या केली होती. सतत घडत असलेल्या या घटना विद्यार्थ्यांवर नेमका कोणता दबाव आहे, याबाबत गंभीर प्रश्न उपस्थित करत आहेत.

इतर महत्त्वाच्या बातम्या 

सहामाही परीक्षेत कमी गुण मिळाले... कल्याणच्या रौनक सिटीत 19 व्या मजल्यावरून उडी घेऊन 8 वीत शिकणाऱ्या पीडितेची आत्महत्या!