आधी लिंग बदलाची शस्त्रक्रिया अन् आता अनाया बांगरचा आणखी मोठा निर्णय, पुन्हा सर्जरी करणार, VIDEO शेअर करत म्हणाली...

अनायाने तिच्या आयुष्यातील एका महत्त्वाचा निर्णय घेतल्याचं इंस्टाग्रामवर व्हिडीओ शेअर करत सांगितलं. यामध्ये ती 14 मार्च रोजी बँकॉकमध्ये जेंडर रिसाइनमेंट सर्जरी करण्यासाठी जाणार असल्याचं म्हणाली. 

हे ही वाचा: T20 World Cup मध्ये सर्वात मोठा उलटफेर, झिम्बाब्वेने ऑस्ट्रेलियाचा धुव्वा उडवला, 19 वर्षांपूर्वीच्या इतिहासाची पुनरावृत्ती

अनाया पोस्टमध्ये काय म्हणाली? 

"गेल्या अनेक वर्षांपासून, मी मानसशास्त्रीय मूल्यांकन, थेरपी, हार्मोन रिप्लेसमेंट थेरपी, वैद्यकीय मूल्यांकन आणि दोन पूर्वीच्या लिंग-पुष्टीकरण प्रक्रियांच्या टप्प्यांतून गेले आहे. आतापर्यंत मी प्रत्येक पाऊल कायदेशीर, तज्ज्ञांच्या देखरेखीखाली आणि पूर्ण विचार करून उचललं आहे."

"ट्रान्झिशनिंग म्हणजेच संक्रमण हे आवेगपूर्ण (Impulsive) नाही. ते संरचित, डॉक्यूमेंटेड आणि वैद्यकीय व्यावसायिकांच्या मार्गदर्शनाखाली केलं आहे."

"ही शस्त्रक्रिया स्किन ग्राफ्ट योनीप्लास्टी असणार आहे आणि यातून रिकव्हर होण्यासाठी वर्षभराचा कालावधी लागू शकतो.
बरीच वर्षे यावर विचार करून आणि याची पूर्णपणे तयारी केल्यानंतर, मी 14 मार्च रोजी बँकॉकमध्ये डॉ. चेट्टावुत यांच्यासोबत जेंडर अफर्मिंग सर्जरी करणार आहे. आता मला माझ्या कुटुंबाचा, माझ्या वडिलांचाही, भावनिक आणि आर्थिक आधार आहे आणि त्यांच्याबद्दल मी शब्दांत व्यक्त करू शकत नाही." 

"ही शस्त्रक्रिया कोणालाही काहीही सिद्ध करण्यासाठी किंवा कोणालाही दाखवण्यासाठी करत नाही. तर, शरीराला आराम मिळावा म्हणून करत आहे. मी अगदी प्रामाणिक आणि जबाबदारपणे हा प्रवास करेन आणि यातून रिकव्हर होईन."