एकमेकांचे कपडे फाडून लाथा, बुक्क्यांनी मारहाण...; मुंबई एअरपोर्टवर घडला भयानक प्रकार

मारहाणीत कपडे फाटले

व्हिडीओ मध्ये विमानतळावर अनेक टॅक्सी पाहायला मिळत आहेत. यादरम्यान, क्रिस्टल सुरक्षा कर्मचारी आणि तिथल्या ड्रायव्हरमध्ये वाद झाला. त्यावेळी ड्रायव्हर आणि कर्मचाऱ्यांनी एकमेकांना मारण्यास सुरुवात केली. इतकेच नव्हे तर या मारहाणीत एका ड्रायव्हरचे कपडे देखील फाटले. 

हे ही वाचा: 15 तोळे सोनं, स्कोडा आणि चांदीची भांडी आणि वैष्णवीसारखाच छळ... पुण्यात पुन्हा तोच प्रकार

CISF जवानाने मिटवलं प्रकरण

या घटनेमुळे पार्किंग परिसरात मोठा गोंधळ उडाला. त्यावेळी घटस्थळी उपस्थित असलेल्या केंद्रीय औद्योगिक सुरक्षा दलाच्या (CISF) जवानाने प्रकरणात लक्ष घालून वाद मिटवण्याचा प्रयत्न करत असल्याचं व्हिडीओमध्ये दिसत आहे. सध्या, स्थानिक पोलीस या वादामागचं कारण जाणून घेण्यासाठी आणि या प्रकरणात समाविष्ट असलेल्या लोकांचा शोध घेण्यासाठी प्रयत्न करत आहेत. 

हे ही वाचा: निराधार योजनेसाठी पत्नीने मृत दाखवलं, तो पती थेट जिल्हाधिकाऱ्यांच्या दारात...जालन्याचं प्रकरण काय?

पोलिसांचा तपास

पोलिसांनी सांगितल्याप्रमाणे मुंबई आंतरराष्ट्रीय विमानतळावर क्रिस्टल सुरक्षा कर्मचारी आणि बऱ्याच कॅब चालकांमध्ये मारहाणीचं प्रकरण समोर आलं आहे. आता या घटनेचा तपास सुरू आहे आणि तपास झाल्यानंतर पुढची कारवाई करण्यात येईल.