हे ही वाचा : अमरावती: दोन्ही भावांमध्ये चिकन खाण्यावरून वाद... रागाच्या भरात डोक्यात रॉड घालून 12 वर्षीय मुलाचा खून

शाखा व्यवस्थापकाची आडमुठी भूमिका

काटली (जि. गडचिरोली) येथील रहिवासी शांताबाई मानकर या मागील काही दिवसांपासून कोमात आहेत. त्यांच्या औषधोपचारासाठी पैशांची गरज असल्याने त्यांची मुलगी व जावई 25 फेब्रुवारी रोजी बँक ऑफ महाराष्ट्र शाखा पोर्ला येथे गेले होते. त्यांनी वृद्धेच्या अंगठ्याचा ठसा घेऊन पैसे काढण्याची विनंती केली. मात्र, शाखा व्यवस्थापकाने 'खातेदाराला प्रत्यक्ष हजर करा, त्याशिवाय पैसे देणार नाही', अशी आडमुठी भूमिका घेत त्यांना परत लावले. 

हे ही वाचा : Govt Job: 'IIM मुंबई'कडून नॉन-टीचिंग पदांसाठी मोठी भरती! कोणत्याही परीक्षेशिवाय होणार निवड...

कोमातील वृद्धेला बँकेत आणण्यास भाग पाडले

खातेदार गंभीर आजारी असेल, तर बँकेने मेडिकल सर्टिफिकेट मागविणे आवश्यक आहे. मात्र, तसे न करता कोमात असलेल्या महिलेला बँकेत आणण्यास भाग पाडले गेले. शेवटी हतबल नातेवाईकांनी भाड्याची गाडी करून वृद्धेला बँकेत नेले. पोर्ला शाखेचे व्यवस्थापक आणि उपशाखा व्यवस्थापक यांची वागणूक सर्वसामान्य खातेदारांशी अत्यंत असभ्य असल्याची तक्रार नागरिक वारंवार करत आहेत. मात्र, उच्च पदस्थ बँक प्रशासनाने दुर्लक्ष केले आहे.