Maharashtra Weather : वारं फिरलं, राज्याच्या दिशेनं घोंगावणार संकट, 23 जिल्ह्यांना मोठा अलर्ट

कोकण 

कोकण विभागात पालघर, ठाणे, रायगड, रत्नागिरी आणि मुंबई या जिल्ह्यांना पावसाचा यलो अलर्ट जारी करण्यात आला. काही भागांत ढगाळ वातावरणासह हलका ते मध्यम स्वरुपाच्या पावसाची शक्यता आहे. काही ठिकाणी मेघगर्जनेसह पावसाची नोंद होऊ शकते. 

उत्तर महाराष्ट्र 

उत्तर महाराष्ट्रातील अहिल्यानगर, धुळे, नंदुरबार, जळगाव आणि नाशिक या जिल्ह्यांना यलो अलर्ट वर्तवण्यात आला आला आहे. याच विभागांत विजांच्या कडकडाटासह पावसाच्या सरी कोसळतील असा हवामान विभागाचा अंदाज आहे.

पश्चिम महाराष्ट्र 

पश्चिम महाराष्ट्रातील पुणे आणि सातारा जिल्ह्यांत वातावरण ढगाळ राहण्याची शक्यता आहे. या विभागात पावसाचा अंदाज वर्तवण्यात आला आहे. पुणे जिल्ह्याला यलो अलर्ट वर्तवण्यात आला असून काही ठिकाणी पावसाच्या जोरदार सरी कोसळण्याची शक्यता आहे.  

मराठवाडा 

मराठवाडा विभागातील छत्रपती संभाजीनगर, जालना आणि बीड या जिल्ह्यांना यलो अलर्ट जारी करण्यात आला. या भागांत अधूनमधून पावसाच्या सरी कोसळण्याची शक्यता आहे. काही ठिकाणी वातावरणात आर्द्रतेत वाढ होण्याची शक्यता आहे. 

विदर्भ 

विदर्भातील अमरावती, भंडारा, चंद्रपूर, गडचिरोली, गोंदिया, नागपूर आणि वर्धा या जिल्ह्यांना यलो अलर्टचा अंदाज आहे.  या भागांत मेघगर्जनेसह विजांच्या कडकडाटासह वादळी वाऱ्याच्या पावसाचा अंदाज वर्तवला आहे.