Maharashtra Weather : राज्यातील वातावरण फिरलं, 'हे' जिल्हे तापमानाने उकडणार

हे ही वाचा : .. तर मी कोणाचेही पाय धरायला तयार - राज ठाकरे

कोकण 

कोकणात मुंबई, ठाणे आणि पालघर या जिल्ह्यांत कोरड्या हवामानाचा अंदाज वर्तविलेला आहे. रायगड, रत्नागिरी येथे उष्ण आणि दमट हवामानाचा यलो अलर्ट आहे, तर सिंधुदुर्गमध्ये तुरळक ठिकाणी हलका ते मध्यम ठिकाणी विजांच्या कडकडाटासह वादळे, हलका ते मध्यम पाऊस आणि सोसायट्याचा वारा वाहण्याची शक्यता आहे. सिंधुदुर्गाला पावसाचा यलो अलर्ट आहे.  

उत्तर महाराष्ट्र 

उत्तर महाराष्ट्रात धुळे, नंदुरबार, जळगाव, नाशिक, नाशिक घाटमाथा आणि अहिल्यानगर येथे कोरड्या हवामानाची शक्यता वर्तविली आहे. 

पश्चिम महाराष्ट्र

या विभागात पुण्यात कोरड्या हवामानाचा अंदाज आहे. सोलापूर, सांगली, सातारा, पुणे घाटमाथा आणि कोल्हापूर जिल्ह्यांत हलक्या पावसासह विजांचा कडकडाट जाणवण्याची शक्यता आहे. कोल्हापूर घाटमाथा आणि सातारा घाटमाथा परिसरात तुरळक ठिकाणी विजांच्या कडकडाटासह वादळे, हलका ते मध्यम पावसाचा यलो अलर्टचा अंदाज आहे. 

मराठवाडा 

मराठवाडा विभागात छत्रपती संभाजीनगर, जालना, परभणी, बीड, हिंगोली, लातूर, नांदेड आणि धाराशिव जिल्ह्यांत कोरड्या हवामानाची स्थिती आहे. 

हे ही वाचा : जळगाव हादरलं! बस पकडण्यासाठी धावत गेलेल्या विद्यार्थिनीचा चिरडून मृत्यू

विदर्भ 

विदर्भात अकोला, अमरावती, भंडारा, बुलढाणा चंद्रपूर,  नागपूर, वर्धा, वाशिम आणि यवतमाळ जिल्ह्यांत हवामान विभागाने कोणताही अलर्ट वर्तविलेला नाही. गडचिरोली या जिल्ह्यात तुरळक ठिकाणी विजांच्या कडकडाटासह वादळे, हलका ते मध्यम पावसाचा यलो अलर्टचा अंदाज आहे.