Maharashtra Weather: महाराष्ट्रात हवामानात मोठा बदल! कुठे पावसाच्या सरी, कुठे कोरडं वातावरण?

मुंबई, ठाणे आणि पालघरमध्ये हवामान कसं राहणार?

मुंबई, ठाणे आणि पालघर या जिल्ह्यांमध्ये पुढील पाचही दिवस कोरडे हवामान राहण्याचा अंदाज आहे. 4 ते 8 नोव्हेंबरदरम्यान या तिन्ही जिल्ह्यांसाठी पावसाचा कोणताही विशेष इशारा देण्यात आलेला नाही. रायगड आणि रत्नागिरी जिल्ह्यांमध्येही याच कालावधीत कोरडे वातावरण राहण्याची शक्यता आहे.

हे ही वाचा>> Maharashtra Weather : दिवाळी सणाच्या तोंडावर मुरासू चक्रीवादळ, 'या' जिल्ह्यांत पावसाचा अलर्ट

त्यामुळे मुंबई महानगर प्रदेशासह उत्तर कोकणातील नागरिकांना पुढील काही दिवस पावसापासून दिलासा मिळण्याची शक्यता आहे. विशेषतः दैनंदिन प्रवास, बाहेरील कामे आणि शेतीशी संबंधित कामांसाठी हवामान अनुकूल राहू शकते.

सिंधुदुर्गमध्ये हलक्या पावसाची शक्यता

कोकणातील सिंधुदुर्ग जिल्ह्यात 4 नोव्हेंबर रोजी काही ठिकाणी हलका पाऊस आणि मेघगर्जनेसह सरी पडण्याची शक्यता वर्तवण्यात आली आहे. मात्र, 5 ते 8 नोव्हेंबरदरम्यान सिंधुदुर्गमध्येही कोरडे हवामान राहण्याचा अंदाज आहे.

हे ही वाचा>> कल्याण-उल्हासनगरकरांना दिवाळीत सरकारकडून खास भेट, घेतला प्रचंड मोठा निर्णय!

पुणे, नाशिकसह पश्चिम महाराष्ट्रात काय स्थिती?

पुणे आणि पुणे घाट परिसरात पुढील पाच दिवस कोरडे हवामान राहण्याची शक्यता आहे. नाशिक आणि नाशिकच्या घाट परिसरातही पावसाचा अंदाज नाही. अहिल्यानगर, धुळे, नंदुरबार आणि जळगाव या जिल्ह्यांमध्येही 4 ते 8 नोव्हेंबरदरम्यान कोरडे वातावरण राहण्याची शक्यता हवामान विभागाने व्यक्त केली आहे.

कोल्हापूरच्या घाटमाथ्यावर पावसाचा अंदाज

कोल्हापूरच्या घाट परिसरात 4 नोव्हेंबर रोजी काही ठिकाणी हलका पाऊस आणि मेघगर्जनेसह सरी कोसळू शकतात. मात्र, 5 नोव्हेंबरपासून पुढील चार दिवस येथेही कोरडे हवामान राहण्याचा अंदाज आहे. त्यामुळे पश्चिम महाराष्ट्रातील बहुतांश भागात पावसाची शक्यता कमी आहे.

एकूणच, हवामान विभागाच्या अंदाजानुसार 4 ते 8 नोव्हेंबरदरम्यान महाराष्ट्रातील बहुतांश जिल्ह्यांमध्ये पावसाची उघडीप राहणार आहे. केवळ 4 नोव्हेंबर रोजी सिंधुदुर्ग आणि कोल्हापूरच्या घाट परिसरात हलक्या पावसाची शक्यता आहे. त्यामुळे नोव्हेंबरच्या सुरुवातीला राज्यात पावसापेक्षा कोरड्या हवामानाचेच वर्चस्व राहण्याची शक्यता आहे.