Maharashtra Weather : मुंबईसह काही ठिकाणी पावसाची स्थिती, IMD विभागाचा अंदाज

हे ही वाचा : पुरोगामी कोल्हापुरात सुनेचा छळ, बारशापूर्वी आईनं गळफास घेत संपवलं जीवन

कोकण

कोकण विभागात पालघर आणि रायगड या दोन जिल्ह्यांत विजांच्या कडकडाटासह पावसाची शक्यता वर्तवली आहे. तर रत्नागिरी या जिल्ह्यात हलका ते मध्यम पावसाचा अंदाज वर्तवण्यात आला आहे. ठाणे, मुंबई आणि सिंधुदुर्ग या ठिकाणी हलक्या पावसाची शक्यता वर्तवण्यात आली आहे. 

उत्तर महाराष्ट्र 

उत्तर महाराष्ट्रात धुळे, नंदुरबार, जळगाव या जिल्ह्यांत विजांच्या कडकडाटासह पावसाचा अंदाज वर्तवलेला आहे. नाशिक आणि अहिल्यानगर या दोन जिल्ह्यांत हलक्या पावसाचा अंदाज आहे. नाशिक घाटमाथा परिसरात विजांच्या कडकडाटासह पावसाची शक्यता आहे. 

पश्चिम महाराष्ट्र 

पश्चिम महाराष्ट्रात पुणे आणि सोलापूर या दोन जिल्ह्यांत हवामान कोरडं राहण्याची शक्यता आहे. सांगली, सातारा, कोल्हापूर आणि कोल्हापूर घाटमाथा परिसरात हलक्या पावसाचा अंदाज आहे. 

मराठवाडा 

मराठवाडा विभागात छत्रपती संभाजीनगर आणि जालना या जिल्ह्यांत विजांच्या कडकडाटासह पावसाचा अंदाज आहे. परभणी, बीड, लातूर आणि धाराशिव या जिल्ह्यांत कोरड्या हवामानाची शक्यता आहे. हिंगोली आणि नांदेड या जिल्ह्यांत हलक्या पावसाचा अंदाज आहे.  

हे ही वाचा : नागपूरमध्ये नराधमाचा गायीवर लैंगिक अत्याचार, आरोपी विवाहित असल्याची माहिती

विदर्भ 

विदर्भातील अकोला, अमरावती, भंडारा, बुलढाणा, यवतमाळ, वर्धा, नागपूर, गोंदिया, वाशिम या जिल्ह्यांत हवामान विभागाने कोणताही अलर्ट जारी केला नाही.