पालघरमध्ये पुराचे पाणी घरात शिरले, छतावर चार तास मृतदेहासोबत कुटुंब

हे ही वाचा : व्हिएतनाममध्ये भारतीय पर्यटकांवर काळाचा घाला, 15 जणांचा दुर्दैवी मृत्यू

मृतदेह रुग्णवाहिकेतून घरी आणला

अनुसया मनोहर लिलका यांचे उपचारादरम्यान निधन झाल्याची दुर्दैवी घटना घडली. सोमवारी पहाटेच्या सुमारास त्यांचा मृतदेह रुग्णवाहिकेतून घरी आणण्यात आला होता. मात्र रेल्वे अंडरपासमध्ये पाणी साचल्याने मृतदेह खांद्यावर घेऊन घरापर्यंत आणावा लागला होता. घरात अंत्यसंस्काराची तयारी करण्यात आली आणि अचानकपणे घरात पूराचे पाणी शिरले. 

मृतदेह खाटेवर आणि पाण्याच्या पातळीत वाढ

मृतदेह घरातील खाटेवर ठेवण्यात आला होता, मात्र काहीच क्षणातच पाण्याच्या पातळीत वाढ होऊ लागली होती. संपूर्ण घराला पाण्याने वेढा घातला होता. अशा स्थितीत कुटुंबियांना जीव वाचवण्यासाठी आणि संबंधित मृतदेहावर अंत्यसंस्कारही करायचे होते. 

चिमुकलीसह कुटुंबीय तब्बल चार तास मृतदेहासोबत घराच्या छतावर

नाईलाजाने कुटुंबियांनी घरांच्या स्वयंपाकघरावरील सिमेंटचे पत्रे फोडले. मोठ्या कष्टाने मृतदेह छतावर नेण्यात आला. पावसापासून बचावासाठी मृतदेहावर प्लास्टिक टाकण्यात आले होते. एका चिमुकलीसह कुटुंबीय तब्बल चार तास मृतदेहासोबत घराच्या छतावर बसून राहिले होते. 

हे ही वाचा : मुंबई: टिव्ही अभिनेत्याला अटक, 16 वर्षीय मुलीचा छळ केल्याचा आरोप

तब्बल चार तासांनंतर पुराचे पाणी ओसलून लागल्यानंतर ग्रामस्थांच्या मदतीने मृतदेह खाली आणण्यात आला होता. देवीपाडा स्मशानभूमीत अनुसया मनोहर लिलका यांच्यावर अंत्यसंस्कार करण्यात आले होते. ही घटना केवळ पुरासंबंधित नसून एका कुटुंबावर आलेल्या एका वाईट प्रसंगाबाबत आहे.