Maharashtra Weather : राज्यात पावसाचा जोर, 'या' जिल्ह्यांना अलर्ट

हे ही वाचा : धाराशिव हादरलं! नळदुर्ग किल्ल्यावरून आईने तीन मुलांसह मारली उडी, माय-लेकराचा अंत

कोकण 

कोकण विभागातील पालघर आणि ठाणे येथे हलका ते मध्यम स्वरुपाच्या पावसाचा अंदाज आहे. तर मुंबईत हलक्या स्वरुपाच्या पावसाचा अंदाज आहे. रायगड, रत्नागिरी आणि सिंधुदुर्ग या जिल्ह्यांत मध्यम स्वरुपाच्या पावसाची शक्यता आहे. 

उत्तर महाराष्ट्र 

उत्तर महाराष्ट्रातूल धुळ्यात पावसाचा यलो अलर्टचा अंदाज आहे. नंदुरबार, जळगाव या जिल्ह्यांत विजांसह हलका ते मध्यम स्वरुपाच्या पावसाची शक्यता आहे. नाशिकमध्ये विजांसह हलक्या स्वरुपाच्या पावसाची शक्यता आहे. नाशिक घाटमाथा परिसरात मध्यम स्वरुपाच्या पावसाची शक्यता आहे. अहिल्यानगरमध्ये हलक्या स्वरुपाचा पाऊस पडणार असल्याची शक्यता आहे. 

पश्चिम महाराष्ट्र 

पश्चिम महाराष्ट्रात पुणे, सातारा आणि कोल्हापूरमध्ये हलक्या स्वरुपाच्या पावसाची शक्यता आहे. सातारा घाटमाथा, पुणे घाटमाथा आणि कोल्हापूर घाटमाथा परिसरात मध्यम स्वरुपाच्या पावसाची शक्यता वर्तविण्यात आलीय. सांगली आणि सोलापूरमध्ये विजांसह हलक्या पावसाची शक्यता वर्तविण्यात आलीये.  

मराठवाडा 

मराठवाडा विभागात छत्रपती संभाजीनगरमध्ये हलका ते मध्यम पाऊस राहण्याची शक्यता आहे. जालना, परभणी येथे विजांसह हलक्या पावसाची शक्यता आहे. बीड, हिंगोली, नांदेड, लातूर, धाराशिव या जिल्ह्यांत हलक्या स्वरुपाच्या पावसाचा अंदाज आहे. 

हे ही वाचा : विद्यानंद बापटांना मारहाण करणारा मंडळाचा मारकुट्या कार्यकर्ता कोण? कुंडली आली समोर

विदर्भ 

विदर्भात अमरावती, भंडारा, बुलढाणा, नागपूर, वर्धा, वाशिम आणि यवतमाळ येथे कोणताही अलर्ट वर्तविलेला नाही. गोंदिया, गडचिरोली आणि चंद्रपूर येथे पावसाचा यलो अलर्टची शक्यता वर्तविली आहे.