Maharashtra Weather : काही जिल्ह्यांतून पाऊस गायब, पण 'या' जिल्ह्यांना यलो अलर्ट

हे ही वाचा : चंद्रपूर: आश्रमशाळेत विद्यार्थ्यांच्या अन्नात पडली पाल, 31 जणांना विषबाधा

कोकण 

कोकण विभागातील पालघर जिल्ह्यात हलक्या स्वरुपाच्या पावसाची शक्यता आहे. ठाणे, मुंबई आणि रायगड मध्ये हलका ते मध्यम स्वरुपाचा पाऊस पडण्याची शक्यता आहे. तर रत्नागिरी आणि सिंधुदुर्ग या जिल्ह्यांत मध्यम स्वरुपाच्या पावसाचा अंदाज आहे.

उत्तर महाराष्ट्र 

उत्तर महाराष्ट्रात धुळे, नंदुरबार, नाशिक, अहिल्यानगर या ठिकाणी हलक्या पावसाची शक्यता वर्तविण्यात आली आहे. नाशिक घाटमाथा परिसरात मध्यम स्वरुपाच्या पावसाचा अंदाज वर्तवविला आहे. जळगाव जिल्ह्यांत विजांसह हलका ते मध्यम स्वरुपाच्या पावसाची शक्यता आहे. 

पश्चिम महाराष्ट्र 

पुणे, कोल्हापूर, सातारा, सांगली आणि सोलापूर या जिल्ह्यांत हलक्या स्वरुपाच्या पावसाचा अंदाज आहे. पुणे घाटमाथा, सातारा घाटमाथा आणि कोल्हापूर घाटमाथा परिसरात मध्यम स्वरुपाच्या पावसाची स्थिती राहण्याची शक्यता आहे. 

मराठवाडा 

मराठवाडा विभागातील छत्रपती संभाजीनगर, जालना आणि धाराशिव येथे हलक्या पावसाचा अंदाज आहे. परभणी, बीड येथे विजांसह हलक्या पावसाची शक्यता आहे. हिंगोली आणि नांदेडमध्ये पावसाचा यलो अलर्टचा अंदाज वर्तविण्यात आलाय. लातूर येथे हलका ते मध्यम स्वरुपाचा पावसाचा अंदाज राहण्याची शक्यता आहे. 

हे ही वाचा : मालाड येथे वाहनाची तीन ऑटो रिक्षासह बाईकला धडक, महिलेचा दुर्दैवी मृत्यू

विदर्भ 

विदर्भात अकोला, अमरावती, बुलढाणा, चंद्रपूर, नागपूर, वर्धा, वाशिम आणि यवतमाळ या जिल्ह्यांत काही ठिकाणी विजेच्या कडकडाटासह वादळाची शक्यता आहे. भंडारा, गडचिरोली, गोंदिया येथे पावसाचा अंदाज आहे. या सर्वच जिल्ह्यामध्ये पावसाचा यलो अलर्टचा अंदाज वर्तविण्यात आला आहे.