Maharashtra Weather : राज्यात पाऊस मंदावला, पण 'या' विभागातील जिल्ह्यांना यलो अलर्ट

हे ही वाचा : चंद्रपूर हादरलं! नवऱ्यासह मित्राचा महिलेवर अत्याचार, स्मशानभूमीतील भयंकर घटना

कोकण 

कोकणात पालघर येथे हलक्या स्वरुपाच्या पावसाचा अंदाज वर्तविण्यात आलाय. ठाणे आणि मुंबईत हलका ते मध्यम स्वरुपाच्या पावसाची शक्यता आहे. रायगड, रत्नागिरी आणि सिंधुदुर्ग या तीन जिल्ह्यांत मध्यम स्वरुपाच्या पावसाची शक्यता आहे. 

उत्तर महाराष्ट्र

उत्तर महाराष्ट्रात धुळे, नंदुरबार, जळगाव, अहिल्यानगर आणि नाशिक जिल्ह्यात हलक्या स्वरुपाच्या पावसाची शक्यता आहे. 

पश्चिम महाराष्ट्र 

पश्चिम महाराष्ट्रात पुणे, सातारा, सांगली आणि सोलापूर या जिल्ह्यांत हलक्या स्वरूपाच्या पावसाची अधिकची शक्यता आहे. सातारा घाटमाथा, कोल्हापूर घाटमाथा आणि पुणे घाटमाथा परिसरात मध्यम स्वरुपाच्या पावसाचा अंदाज आहे. तर कोल्हापूरमध्ये हलका ते मध्यम स्वरुपाच्या पावसाची शक्यता आहे. 

मराठवाडा 

मराठवाडा विभागात छत्रपती संभाजीनगर, जालना, बीड आणि धाराशिव जिल्ह्यांत हलक्या स्वरुपाच्या पावसाची शक्यता वर्तविण्यात आलीये. लातूर आणि परभणी येथे विजांसह हलक्या पावसाची शक्यता आहे. हिंगोली आणि नांदेड या दोन्ही जिल्ह्यांना पावसाचा यलो अलर्टचा अंदाज वर्तविलेला आहे. 

हे ही वाचा : साडे तीन वर्षाच्या चिमुरड्याला खुर्चीला बांधून मारहाण, लैंगिक अत्याचाराचा आरोप

विदर्भ 

अमरावती, भंडारा, बुलढाणा, चंद्रपूर, गडचिरोली, गोंदिया,नागपूर, वर्धा, वाशिम आणि यवतमाळ येथे कोणताही हवामानाचा अलर्ट वर्तविलेला नाही.