Maharashtra Weather : येरे येरे पावसा, काही जिल्ह्यांना पावसाचा यलो आणि ऑरेंज अलर्टचा अंदाज

हे ही वाचा : शिक्षकाकडून विद्यार्थिनीला शिक्षा, पीडितेनं शाळेतच संपवलं जीवन

कोकण 

कोकण विभागातील पालघर आणि ठाणे येथे हलका ते मध्यम स्वरुपाच्या पावसाचा अंदाज आहे. मुंबईमध्ये हलक्या स्वरुपाच्या पावसाची शक्यता आहे. रायगड, रत्नागिरी आणि सिंधुदुर्ग जिल्ह्यांत मध्यम स्वरुपाच्या पावसाची शक्यता आहे. 

उत्तर महाराष्ट्र 

उत्तर महाराष्ट्रात नंदुरबार जिल्ह्यात वि‍जांसह हलक्या पावसाची शक्यता आहे. धुळे आणि नाशिक जिल्ह्यांत विजांच्या कडकडाटासह हलका ते मध्यम स्वरुपाच्या पावसाचा अंदाज आहे. नाशिक घाटमाथा परिसरात मध्यम स्वरुपाच्या पावसाचा अंदाज आहे. अहिल्यानगर जिल्ह्यात विजांसह हलक्या पावसाची शक्यता आहे. जळगाव येथे पावसाचा यलो अलर्टची शक्यता आहे. 

पश्चिम महाराष्ट्र 

पश्चिम महाराष्ट्रत पुणे, कोल्हापूर आणि सातारा येथे हलक्या स्वरुपाच्या पावसाची शक्यता आहे. सांगली आणि सोलापूर येथे विजांसह हलक्या स्वरुपाच्या पावसाची शक्यता वर्तविण्यात आली आहे. सातारा घाटमाथा, कोल्हापूर घाटमाथा परिसर आणि पुणे घाटमाथा परिसरात मध्यम स्वरुपाच्या पावसाची शक्यता वर्तविण्यात आलीय. 

मराठवाडा 

मराठवाडा विभागातील छत्रपती संभाजीनगर येथे पावसाचा यलो अलर्टचा अंदाज आहे. जालना, परभणी, हिंगोली, लातूर, नांदेड येथे विजांसह हलका ते मध्यम स्वरुपाच्या पावसाची शक्यता वर्तविली आहे. धाराशिवमध्ये विजांसह हलक्या पावसाचा अंदाज आहे. 

हे ही वाचा : मुंबईत ठाकरेंना मोठा धक्का, अश्विनी भिडेंचं पत्र अन्... 'त्या' नगरसेविकेला तब्बल 6 वर्ष..

विदर्भ 

विदर्भात अकोला, भंडारा, बुलढाणा, चंद्रपूर, गडचिरोली, नागपूर, वर्धा, वाशिम आणि यवतमाळ जिल्ह्यांत पावसाचा यलो अलर्टचा अंदाज वर्तविलेला आहे. तर गोंदिया, अमरावती येथे पावसाचा ऑरेंज अलर्टचा अंदाज आहे.