राज्यात 'या' भागात हिवाळ्यात अवकाळी पावसाची दाट शक्यता, तर काही ठिकाणी थंडीचा कडाका

हे ही वाचा :  कल्याण-डोंबिवली महापालिकेच्या निवडणुकीपूर्वी महायुतीच्या विजयाचा मार्ग मोकळा? 'एवढे' उमेदवार बिनविरोध विजयी

कोकण विभाग :

कोकण या विभागात काही प्रमाणात ढगाळ वातावरणाची शक्यता आहे. तसेच मुंबईसह उपनगरांत हलक्या धुक्याची शक्यता आहे. तसेच कमाल तापमान हे 29 ते 31 अंश सेल्सिअस, तर किमान तापमान हे 10 ते 20 अंश सेल्सिअसच्या आसपास राहण्याची शक्यता आहे.

पश्चिम महाराष्ट्र :

पश्चिम महाराष्ट्रातील पुण्यात देखील ढगाळ वातावरणाचा अंदाज आहे. सकाळी धुक्यासह थंडावा जाणवणार आहे. तसेच काही ठिकाणी पावसाची दाट शक्यता आहे. तसेच परिसरात मुख्यत्वे कोरडं वातावरण राहण्याची शक्यता आहे.

मराठवाडा विभाग :

मराठवाडा विभागात काही प्रमाणात अवकाळी पावसाचा इशारा आहे. बीड, परभणी, जालना, नांदेड, लातूर, धाराशिव आणि हिंगोली या जिल्ह्यांमध्ये हवामान विभागाने हलका ते मध्यम स्वरुपाच्या पावसाची नोंद होईल असा अंदाज वर्तवला. तसेच काही ठिकाणी गारपीट होण्याची शक्यता आहे.

हे ही वाचा :  'पनवेलमध्ये पैशांच्या जोरावर निवडणूक जिंकली', शेकाप माजी आमदार बाळाराम पाटील संतापले

विदर्भ विभाग :

विदर्भात थंडीचा कडाका कायम राहण्याची शक्यता आहे. तसेच वातावरण ढगाळ आकाश आणि काही ठिकाणी हलक्या पावसाची शक्यता वर्तवण्यात आली आहे. तसेच सकाळी दाट धुके पडण्याची शक्यता असल्याने वाहनचालकांनी काळजी घ्यावी.