या प्रकरणात आम्ही सर्व पुरावे जोडून धर्मादाय आयुक्तांकडे तक्रार दाखल केली आहे. त्या अर्जात या जागेची बेकायदेशीर विक्री तात्काळ थांबविण्याची मागणी करण्यात आली असून, प्रकरणाची सखोल चौकशी करून ट्रस्टचे अध्यक्ष आणि ट्रस्टी यांना नोटीस बजावावी, त्यांचा खुलासा मागवावा आणि दोषींवर कायदेशीर कारवाई करावी, अशी मागणी काळे यांनी केली.

जैन ट्रस्टचे अध्यक्ष या प्रकरणावर काय म्हणाले? 

दरम्यान, या प्रकरणावर जैन ट्रस्टचे अध्यक्ष याबाबत बोलताना म्हणाले, आम्ही कोणतीही जागा विकण्याचा प्रयत्न केलेला नाही. संबंधित जागेत राहात असलेला भाडेकरु जागा सोडण्यासाठी करण्यासाठी तयार नव्हता. ट्रस्टची जागा पडून आहे, तिचं करायचं काय? त्यामुळे आम्ही ती जागा विकण्याचा निर्णय घेतला. कारण आम्हाला हा वाद नको आहे. मात्र, ही जागा कोणी घ्यायला तयार नव्हतं. कारण मृत्यपत्रात ही जागा विकता येणार नाही, असं नमूद करण्यात आलं होतं. त्यामुळे नंतर आम्ही जागा विकण्याचा निर्णय मागे घेतला.

ट्रस्टला जागा दान करणाऱ्या मंगुबाई व्होरा यांनी त्यांच्या मृत्यूपत्रात काय लिहिलं होतं?

माझे वय 72 झाले असून आत्तापर्यंत मला कोणताही आजार नाही. मी सर्वत्र फिरु शकते, सध्या कामधंदा करत आहे. तथापि , माझ्या देहाचा भरोसा नाही. कोणत्या वेळेस काय होईल हे सांगता येता नाही. त्यामुळे मी हे मृत्यूपत्र करत आहे. माझ्या पश्चात माझ्याकडील जी संपत्ती आहे. कोणाकडे जावी याचा संपूर्ण तपशील मी देत आहे. यामध्ये त्यांनी स्थावर आणि जंगम मालमत्तेबाबत वर्णन केलं होतं. त्यांनी ट्रस्टच्या नावे 101 रुपये देणगी म्हणून पाठवावी. माझ्याकडे लाकडी सामान, भांडीकुंडी, कपाट वगैरे आहे, त्याची देखील विल्हेवाट देखील ट्रेस्टने लावावी. स्थावर मालमत्तेत भाडेकरु राहात आहेत, मला ते मासिक भाडे देत आहेत. मी जिवंत आहे, तपोर्यंत हे मी स्वत: वसूल करेन. त्याचा कर देखील मीच देईन. माझ्या मृत्यूनंतर या जागेचे सर्व अधिकार ऋषभ श्वेतांभर ट्रस्टकडे राहतील. त्याच्यावर ट्रस्टचा मालकी हक्क असेल. माझ्यानंतर त्यांनी या जागेची काळजी घ्यावी. या जागेचे उपभोग जैन धार्मिक कार्यासाठी करावा. या जागेवरुन मधुबन नावाने कोनशिला बसवावी. श्रीमंत मंगुबाई हिरालाल वोहरा यांनी स्वर्गिय माधवलाल मेहता यांच्या स्मरनार्थ केली आहे, अशी कोनशिला बसवावी. माझी जागा देणगी म्हणून देण्यात आली, असा उल्लेख करावा. ही जागा इतर कोणासही देऊ नये. या जागेचा वापर केवळ धार्मिक कामासाठी करावा.

जागेवर राहणारे भाडेकरु आणि संग्राम जगताप यांचे निकटवर्तीय

दरम्यान, सध्या तिथे जे भाडेकरु राहतात, त्यांच्याकडून ट्रस्टने पैसे वसूल करावेत, असं सांगण्यात आलं होतं. त्यानंतर यामध्ये सध्या भाडेकरुंची पुढची पिढी देखील आली आहे. ज्या ट्रस्टच्या नावावर जागा लिहून दिली त्या जैन ट्रस्टचे विश्वस्थ आणि अजित पवारांचे आमदार यांचे एकत्रित लागेबांधे तयार झाले. या जागेवरचे सर्व भाडेकरु सोडून गेले. मात्र, एक भाडेकरु तिथे आहे. गणेश बोंडाळ असं त्यांचं नाव आहे. ते म्हणतात तिथे माझं ऑफिस आहे. मात्र, या ऑफिसमध्ये संग्राम जगताप आल्याचे अनेक फोटो आहे. त्यामुळे हे जगताप यांचं ऑफिस असल्याचा आरोप केला जातोय. जगताप आणि माझे यांचे संबंध चांगले आहेत, असं गणेश बोंडाळ सांगतात.

संग्राम जगताप यांचे स्पष्टीकरण 

संग्राम जगताप म्हणाले, माझं त्या जागेवर ऑफिसचं नाही. माझ्यावर आरोप करणारे काळे बलात्काराच्या केसमध्ये जेलमध्ये होते.

जैन ट्रस्टच्या जागेवर अजितदादांच्या आमदारानं ऑफिस बांधलं का? सगळी कागदपत्रं 'मुंबई Tak' वर

 

इतर महत्त्वाच्या बातम्या 

कोल्हापूर : विद्युत तारेत पतंग अडकला, दोन सख्खे भाऊ लोखडी रॉडने डवचू लागले अन् शेवटी व्हायचं तेच झालं