शैक्षणिक पात्रता

या पदासाठी अर्ज करू इच्छिणाऱ्या उमेदवारांनी मान्यताप्राप्त बोर्डातून दहावी (SSC) परीक्षा उत्तीर्ण केलेली असावी. त्यासोबतच, उमेदवाराकडे फार्मसीमधील डिप्लोमा (D.Pharm) किंवा पदवी (B.Pharm) असणे आवश्यक आहे. या शैक्षणिक योग्यतेसह संबंधित क्षेत्रातील किमान 2 वर्षे कामाचा अनुभव असणे अनिवार्य करण्यात आले आहे. या भरतीसाठी वयोमर्यादा किंवा अर्ज शुल्काचा (Fee) कोणताही उल्लेख जाहिरातीत केलेला नसून, अर्जाची पद्धत पूर्णपणे ऑफलाइन आहे.

हे ही वाचा : सुनेत्रा पवार राज्याच्या अर्थमंत्री होणार? राष्ट्रवादीची बैठक अन् फडणवीसांच्या भेटीगाठी; काय घडतंय?

प्रति तास 600 रुपये

मानधनाचा विचार केल्यास, निवड झालेल्या फार्मासिस्टना प्रति तास 600 रुपये या दराने मानधन दिले जाईल. एका दिवसात जास्तीत जास्त 5 तास काम करता येईल, म्हणजेच एका दिवसाला कमाल 3000 रुपयांपर्यंत मानधन मिळू शकते. या ठराविक मानधनाव्यतिरिक्त इतर कोणताही अतिरिक्त भत्ता, वेतन किंवा सोयी-सुविधा पुरवल्या जाणार नाहीत. इच्छुक उमेदवारांनी आपला अर्ज वेळेत पोहोचेल अशा प्रकारे टपाल किंवा स्वत:हून सादर करायचा आहे.

हे ही वाचा : मुंबईची खबर : समुद्र असूनही मुंबईतील हवा इतकी प्रदूषित का? पर्यावरण शास्त्रज्ञ काय सांगतात?

'असा' करा अर्ज

पूर्ण भरलेला अर्ज पाठविण्याचा पत्ता: क्षेत्रीय संचालक, मानवी संसाधन व्यवस्थापन विभाग, भरती विभाग, भारतीय रिझर्व्ह बँक, मुंबई क्षेत्रीय कार्यालय, शहीद भगतसिंग मार्ग, फोर्ट, मुंबई – 400001 असा आहे. अर्ज पोहोचण्याची शेवटची तारीख 3 नोव्हेंबर 2026 आहे. त्यामुळे पात्र उमेदवारांनी मुदतीपूर्वी आपले अर्ज नमूद पत्यावर जमा करावेत. अधिक माहितीसाठी rbi.org.in या वेबसाईटला भेट द्या.