रितू तावडे यांची पोस्ट जशीच्या तशी 

'मी हाय तुझ्या पाठीशी, म्हावरं काप बिनधास्त' आज सकाळी वाकोला येथील मासळी बाजाराला भेट देऊन आपल्या कोळी भगिनींशी आणि बांधवांशी संवाद साधला. वाकोला सह मुंबईतील कोणत्याही मासळी बाजारात मासे कापण्यावर महानगरपालिकेने कोणतेही निर्बंध लादलेले नाहीत. काही प्रसारमाध्यमांमधून पसरवण्यात आलेल्या मनाईच्या बातम्या या अपप्रचाराचा भाग आहेत. त्यामुळे कोणीही अशा अफवांवर विश्वास ठेवू नये.

मुंबईचे मूळ नागरिक असलेल्या कोळी समाजाच्या पाठीशी मी स्वतः आणि संपूर्ण बृहन्मुंबई महानगरपालिका खंबीरपणे उभी आहे. सर्वांनी निर्धास्तपणे आपला व्यवसाय सुरू ठेवावा. आजच्या भेटीत कोळी भगिनींनीही कोणतीही अडचण नसल्याचे स्पष्ट केले. तरीही कुणी अडथळा आणण्याचा प्रयत्न केल्यास थेट माझ्याशी संपर्क साधावा- प्रत्येक समस्येचे निराकरण करण्यासाठी मी स्वतः तत्पर आहे.'

हे ही वाचा : Govt Jobs : पदवीधरांसाठी आनंदाची बातमी, राष्ट्रीयकृत बँकेत भरती जाहीर; लगेच करा अर्ज

काय होती 'ती' बातमी?

वाकोला येथील मासळी बाजारात मासे कापण्यास महानगरपालिकेच्या स्थानिक प्रशासनाकडून मनाई केल्याचा कथित आरोप करणारे वृत्त विविध प्रसारमाध्यम आणि समाजमाध्यमातून प्रसारित झाले होते. त्या पार्श्वभूमीवर रितू तावडे यांनी भेट वाकोला मासळी बाजाराला भेट दिली.