तरुणीने घटाघटा संपवली बीअर, बुटं द्या अन् बीअर घ्या... या बारमधील 'ही पैज' म्हणजे भलताच विषय!

@chahat_anand या हँडलने इन्स्टाग्रामवर एक व्हिडिओ शेअर केला आहे. व्हिडिओच्या कॅप्शनमध्ये लिहिले आहे, "मी तो ग्लास टेबलावर ठेवूही शकले नाही आणि मधून तो जड ग्लास बाहेर काढणेही अवघड होते. बेल्जियममधील घेंट येथे मला एक खूप मजेशीर अनुभव आला."

नेमकं काय घडलं?

व्हिडिओमध्ये बेल्जियममधील एका बारमध्ये एक भारतीय महिला बसलेली दिसत आहे. बारमधील एक कर्मचारी आत येतो, तिचा एक बूट घेतो आणि नंतर तिला एका मोठ्या बीकरसारख्या मगमध्ये बीअर आणून देतो.

हे ही वाचा>> 37 वर्षीय घटस्फोटित पुरुषाला लग्नासाठी व्हर्जिन तरुणी हवी, मध्यस्ती करणाऱ्या महिलेनं सांगितला घटनाक्रम, Video व्हायरल

या बीकरचा तळ वक्र आहे. यामुळे ते टेबलवर ठेवणे अवघड होते. बिअर पिताना चुकून ते टेबलवर ठेवण्याचा प्रयत्न केल्यास, तो खाली पडू शकतो. या अनोख्या बिअर मगमध्ये 1.2 लिटर बिअर मावत होती.

त्या मुलीने संपूर्ण बिअर सुरक्षितपणे संपवल्यानंतर, कर्मचारी परत आला आणि त्याने तिच्याकडून तो मोठा बिअर मग घेतला. त्यानंतर तिला तिचा एक बूट परत देण्यात आला. व्हिडिओमध्ये दिसते की, बिअर चॅलेंज पूर्ण केल्याबद्दल खात्री म्हणून बारमधील कर्मचारी लोकांकडून एक बूट घेतात.

हे ही वाचा>> MMS व्हिडिओचा पूर, ऑफिस ते बेडरुमपर्यंतची सारी गुपितं उलगडली; कोण आणतं व्हिडिओ बाहेर?

पिताना कोणतीही हानी न झाल्यास, लोकांना त्यांचा एक बूट परत दिला जातो. ती मुलगी सांगते की, तुम्ही हा बिअर मग घरी घेऊन जाऊ शकत नाही. तुम्हाला तिथे बसूनच ती प्यावी लागेल. त्याची किंमत 90 पाउंड आहे. लोक एक बूट घालून, बिअर मग टेबलवर न ठेवता त्या जड, मोठ्या बीकरसारख्या ग्लासमधून बिअर पिणे सुरू ठेवतात. त्यांचे बूट बारच्या मध्यभागी छताला टांगलेले असतात.

या व्हिडिओला अनेक प्रतिक्रिया मिळाल्या आहेत. एका यूजरने लिहिले, "बिअरप्रेमींनी या ठिकाणी नक्कीच भेट द्यावी." दुसऱ्या यूजरने लिहिले, "1.2 लिटर बिअर जास्त नाही; ती सहज पिण्यासारखी आहे." दुसऱ्या एका युजरने लिहिले, "या जगात बघण्यासारखं खूप काही आहे, भावा."